miércoles, 16 de octubre de 2019

(Aruba) Prome Minister ta aclarea confusion cu a surgi door di comunicado di Citgo pa empleadonan

Siman pasa Minister Presidente mr. Evelyn Wever Croes, a duna e noticia cu gobierno a yega na un acuerdo cu Citgo, cu lo entrega Aruba e yabi di e refineria y e terminal.
Ademas e mandatario tambe a anuncia cu gobierno ta cuminza di biaha e proceso pa haya un partner nobo pa e refineria. Y pa e terminal esaki ta bay segun reglanan di destaho publico cu ta vigente pa gobierno, cual no a cuminza ainda, pasobra prome mester hinca e proceso aki bon den otro.

Esaki Minister Presidente a reitera den conferencia di prensa di Dialuna 14 di October awo, na unda el a aclarea cierto confusion cu a surgi.

E confusion a surgi, e mandatario a splica, door di un memorandum cu Citgo a saca pa su empleadonan y aki e dignatario a duna mas detaye unda Aruba ta para, exactamente.

E MOU unda Citgo ta traspasa e propiedadnan pa Aruba, riba su mes no ta fout pasobra Citgo a pidi gobierno pa den e temporada aki di e Memorandum of Understanding, pa si gobierno no haya ningun otro partner, otro operador, pa nan drenta bek den e derechonan cu nan tin cu e contrato actual.

Minister Presidente a reitera cu manera el a menciona den mas di un conferencia di prensa, el a puntra Citgo pa cuanto tempo esaki ta, y nan a bisa cu den e periodo di transicion cu ta cuater aña.

PROME CU MOU:

E mandatario a splica unda gobierno tabata para prome cu e MOU. Prome cu e MOU tabata tin un contrato cu pa October 2020 Citgo mester a caba di rehabilita e refineria, pero gobierno a mira cu nan no ta bay cumpli cu esey. Pero ora October 2020 yega no kiermen cu gobieno lo a haya e yabi den su man.

E ora ey lo tabata tin casonan den Corte cu por a dura di cinco pa seis aña mes, prome cu gobierno lo a keda cla y haya e yabi den su man.

Gobierno a bisa cu mester haya un fecha prome cu esey, pasobra no por keda warda asina largo, pa tuma e control di e refineria y busca otro operador. Asina gobierno di Aruba a yega na e MOU den cual tin e prome señal di e prome biaha cu Citgo a bisa pa ban papia di con nan ta bay termina y sali for di e contrato cu Aruba.

Esaki, e mandatario a subraya, sin cu tin cu bay Corte 5 of 6 aña y sin cu tin claim di cada banda di mesa.

“Nos a bisa OK, pero nos no por warda mucho mas te cu nos caba di negocia e terminacion, anto nos a bisa pa ban bin cu un MOU awo, cu ta duna gobierno di Aruba espacio pa bay busca otro operador, mientras gobierno ta negocia e terminacion di e contrato cu Citgo”, e dignatario a bolbe splica.

Prome Minister a reitera cu esaki ta duna gobierno espacio pa bay papia cu otro partidonan, lo cual no tabata posible bao e contrato cu Citgo pasobra tanten esaki a keda vigente no por a papia cu otro interesadonan.

Fuente: Con información de diario.aw

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

 
LO + LEÍDO...

LO + LEÍDO...