(Aruba) Den deliberacion cu grupo di Guaido cu a tuma PDVSA-Citgo over Aruba a keda libera

E mandatario a splica cu tur cos a cuminza ora e tabata na Washington, recientemente, hunto cu Premier Eugene Ruggenaath, nan a reuni cu OFAC y a bira hopi duidelijk lo no por bay cumpli cu e obligacionnan cu e tin den e contrato cu Aruba.

Sinembargo, e contrato ta traha di tal forma cu e ta beneficia Citgo enormemente y ta den desventaha pa Gobierno di Aruba y no por sali for di dje asina sin mas.

Gobierno di Aruba, despues cu Prome Minister a bolbe Aruba for di Washington, a aumenta e presion riba Citgo y na e momento ey e representantenan di e presidente interino di Venezuela, Juan Guaido, a tuma over e poder den PDVSA, kiermen tambe den Citgo.

“Nos a cuminza un lobby hopi specifico cu e grupo di personanan aki, pa por fabor, nan libera nos di e contrato. Nos sa cu nos ta mara na e contrato, pero mirando e crisis di Venezuela y su impacto riba Aruba, nos a pidi nan libera nos di dje pa nos por desaroya nos economia y asina nos mantene tambe nos economia na nivel”, Prome Minister a señala.

Prome Minister a declara cu e mes a hiba combersacion cu nan, como tambe representantenan di gobierno y di RDA.

E mandatario a señala cu a tuma gobierno hopi tempo y energia, pero Citgo a admiti cu nan no por cumpli cu e acuerdo cu a wordo firma na 2016, y na e momento ey gobierno a pone hopi presion pa Aruba haya e terminal y e refineria pa desaroye localmente mes.

Esaki ta e prome fase den cual a firma e MOU den cual ta determina e puntonan principal, cu ta bay guia e traspaso final di Citgo pa Aruba por haya e instalacionnan bek pa asina suspende e acuerdo cu dicho compania.

E mandatario reitera cu e negociacionnan a bay den varios fase unda a bay na Departamento di Estado di Merca y na OFAC pero awor por mira e resultado beneficioso cu gobierno ta contento cune.

“Nos ta na e punto cu nos por firma e MOU cu ta e base pa yega na e acuerdo pa traspasa e propiedadnan bek.

“ Cu e MOU Aruba ta bay haya e yabi di e terminal y di e refineria bek. Esaki lo permiti Aruba busca y negocia, realmente na serio, cu otro personanan cu ta interesa pa opera e terminal cu e waf y e refineria”, Prome Minister a subraya.

Un punto hopi cardinal, e mandatario ta agrega, ta cu Citgo mester cumpli cu tur obligacion cu e tin cu su trahadornan y contratistanan. Esaki ta un punto hopi importante pasobra nan a bin na mesa y bisa cu nan no tin placa pa paga e trahador, gobierno a bisa Citgo cu anto nan no ta negocia cune.

“E ora ey nos a yega na e punto cu nan ta garantiza e derecho di e trahadornan di e compania, y apesar cu no ta companianan di gobierno, nos a insisti cu e derechonan aki tin cu wordo respeta, salvaguardia, pa asina nos cuminza negocia”, Prome Minister mr. Evelyn Wever-Croes a señala.

Citgo mes ta confirma posicion DIARIO den caso Citgo

Riba Diaranson oficialmente Citgo a anuncia cu e ta debolbe e yabi di refineria na Aruba den un comunicado cu e oficina na Houston a emiti.

Ta papia di un areglo temporal segun expertonan cu a informa DIARIO, pasobra asuntonan manera desmantelacion ta depende di e compania cu gobierno Wever-Croes atrae pa Aruba y e necesidadnan.

Den e suministro di informacion riba Citgo na pueblo di Aruba, DIARIO semper a mantene cu gobierno Mike Eman a bay contra e cuadro di ley di Aruba cu e acuerdo cu Nicolas Maduro.

DIARIO den su suministro di informacion a mantene su mes na hecho den e desaroyonan rond e rehabilitacion di e refineria na Aruba.

Ley di Aruba ta exigi pa gobernantenan mara e pais solamente na contractnan cu no tin ningun riesgo pa e pais, pues ta sirbi bienestar di e pais.

Den e caso di e refineria di Aruba, a cera un contracto cu Nicolas Maduro, cu ya a kibra democracia na Venezuela y a causa e exodo di Venezolanonan.

Nomber y reputacion di Citgo tabata na suela y autoridad hudicial rond mundo a cuminsa haci detencion den e red di PDVSA, na cual Citgo ta mara.

Cu problemanan grandi por a presenta tabata bisto na 2016 y manera DIARIO semper a mustra, gobierno di Aruba nunca por reclama cu e mester kibra e contracto pasobra Venezuela ta peligroso ya cu Mike Eman y cu grupo tabata bon na haltura di regimen Nicolas Maduro ora el a firma e acuerdo.

Cu Maduro a sigui tene na e acuerdo tabata visibel den e hecho cu Asdrubal Chavez a sigui tene duro na e proyecto te ultimo momento. Na mes momento entre otro Mike de Meza tabata crea e impresion cu por a sigui cu e proyecto.

Den e comunicado di Citgo Aruba Holding, cu ta presenta su mes como subsidiario di PDV Holding, Inc. ta wordo anuncia cu Diaranson a alcansa un compromiso cu gobierno di Aruba pa temporalmente suspende e contracto pa rehabilitacion y operacion di e refineria na San Nicolas.

E vocero oficial di Citgo a trece dilanti, cu e operacionnan di e terminal lo wordo temporalmente pasa pa gobierno di Aruba y cu lo sigui cu e contracto despues di un transicion democratico na Venezuela.

Citgo Aruba lo cumpli cu su obligacionnan na trahadonan y personanan cu ta entrega producto na e compania na Aruba durante henter e proceso di traspaso.

Informante experto a mustra DIARIO cu pa finalisa e contracto mester bini discusion elemental den cual ta importante pa conoce e condicionnan di e compania cu lo keda encarga cu Citgo.

Por ehempel, mester dicidi riba limpiesa di e tereno ora Citgo hala completamente atras. Si otro compania tuma e refineria, e Citgo no por para garantia pa desmantelacion di e refineria entre otro.

Pues Aruba ta haya tempo pa dicidi kico ta futuro di Citgo prome cu por yega na un final total di e proyecto na Aruba. DIARIO lo sigui entrega tur informacion na pueblo di Aruba.

Salida di Citgo ta cende luz pa futuro di Aruba

Riba Diaranson oficialmente Citgo a anuncia cu e ta debolbe e yabi di refineria na Aruba den un comunicado cu e oficina na Houston a emiti.

Ta papia di un areglo temporal segun expertonan cu a informa DIARIO, pasobra asuntonan manera desmantelacion ta depende di e compania cu gobierno Wever-Croes atrae pa Aruba y e necesidadnan.

Den e suministro di informacion riba Citgo na pueblo di Aruba, DIARIO semper a mantene cu gobierno Mike Eman a bay contra e cuadro di ley di Aruba cu e acuerdo cu Nicolas Maduro.

DIARIO den su suministro di informacion a mantene su mes na hecho den e desaroyonan rond e rehabilitacion di e refineria na Aruba.

Ley di Aruba ta exigi pa gobernantenan mara e pais solamente na contractnan cu no tin ningun riesgo pa e pais, pues ta sirbi bienestar di e pais.

Den e caso di e refineria di Aruba, a cera un contracto cu Nicolas Maduro, cu ya a kibra democracia na Venezuela y a causa e exodo di Venezolanonan.

Nomber y reputacion di Citgo tabata na suela y autoridad hudicial rond mundo a cuminsa haci detencion den e red di PDVSA, na cual Citgo ta mara.

Cu problemanan grandi por a presenta tabata bisto na 2016 y manera DIARIO semper a mustra, gobierno di Aruba nunca por reclama cu e mester kibra e contracto pasobra Venezuela ta peligroso ya cu Mike Eman y cu grupo tabata bon na haltura di regimen Nicolas Maduro ora el a firma e acuerdo.

Cu Maduro a sigui tene na e acuerdo tabata visibel den e hecho cu Asdrubal Chavez a sigui tene duro na e proyecto te ultimo momento. Na mes momento entre otro Mike de Meza tabata crea e impresion cu por a sigui cu e proyecto.

Den e comunicado di Citgo Aruba Holding, cu ta presenta su mes como subsidiario di PDV Holding, Inc. ta wordo anuncia cu Diaranson a alcansa un compromiso cu gobierno di Aruba pa temporalmente suspende e contracto pa rehabilitacion y operacion di e refineria na San Nicolas.

E vocero oficial di Citgo a trece dilanti, cu e operacionnan di e terminal lo wordo temporalmente pasa pa gobierno di Aruba y cu lo sigui cu e contracto despues di un transicion democratico na Venezuela.

Citgo Aruba lo cumpli cu su obligacionnan na trahadonan y personanan cu ta entrega producto na e compania na Aruba durante henter e proceso di traspaso.

Informante experto a mustra DIARIO cu pa finalisa e contracto mester bini discusion elemental den cual ta importante pa conoce e condicionnan di e compania cu lo keda encarga cu Citgo.

Por ehempel, mester dicidi riba limpiesa di e tereno ora Citgo hala completamente atras. Si otro compania tuma e refineria, e Citgo no por para garantia pa desmantelacion di e refineria entre otro.

Pues Aruba ta haya tempo pa dicidi kico ta futuro di Citgo prome cu por yega na un final total di e proyecto na Aruba. DIARIO lo sigui entrega tur informacion na pueblo di Aruba.

Fuente: Con información de Diario de Aruba