Diario de Aruba: Mike de Meza y difunto Martinez no a papia di Husticia Mericano?

Ya pa basta dia por nota un desestabilizacion di comunidad di Aruba dor di e grupo di politico cu a hinca Aruba den e pio desastre cu nos pais a yega di conoce.
Awe na un forma directo nos kier haci algun pregunta na Mike de Meza, e persona cu segun su propio partido, tabata genio tras di Citgo.

Awe nos tin una pregunta clave pa Mike de Meza contesta. Su amigo, Nelson Martínez, nunca a yega di bisa su persona como gobernante di nos pais, Aruba, cu Citgo tabata tin problem cu Husticia Mericano?

Esaki ta una pregunta categórica, cu de Meza mester contesta mescos cu tur otra pregunta cu cualkier miembro di e comunidad di Aruba, tin derecho di haci.

Nos recuerda a Mike de Meza cu Aruba ni placa di Aruba ta di su persona, su partido de su gobierno.

Placa di Aruba ta di Aruba y tin ley cu ta regla con ta uza placa di Aruba na bienestar di pueblo di Aruba.

Si asombro Mike de Meza por hisa dos dede den laira y hura cu e no tabata sa cu el a hinca Aruba den un aventura ora el bira promotor de Citgo na Aruba, cu prueba nos ta acusa Mike de Meza di mentira.

Mike de Meza tabata sa cu hunto cu otro miembroronan di e gobierno di Mike Eman, el área de haluro de Aruba den halto riesgo ora el a yega na un acuerdo comercial cu Nicolas Maduro. Nos tin prueba y nos a yega di publica prueba cu un acuerdo comercial y tabata tin Nicolas Maduro cu a bisa Mike Eman pa no mete den su asuntonan politico na Venezuela, pero pa tene su mes na y acuerdo comercial entre Aruba y su régimen .

Nos ta gaña, Mike de Meza? Bo kier nos bolbe confronta bo cu prueba?

Nos ta bolbe puntra. Nunca difunto Nelson Martinez no a papia cu bo di Husticia Mericano? Bo no a puntra Citgo, ni PDV Holding ni boso propio equipo pakico Husticia Mericano tabata investigar Citgo ora boso tabata negociar?

Si tabata bo placa personal y bo bienestar personal, lo bo a drenta y aventura cu Nicolas Maduro contra conseho local e internacional?

No ta bo persona tabata splica tur cu a trata di spierta bo gobierno y bo persona pa e riesgonan di e contracto cu Citgo, cu nan ta robes?

Atrobe nos ta puntra: nunca difunto Nelson Martinez no a papia cu bo di Husticia Mericano, cu tabata den su nek? ->>Vea más...

Fuente: Con información de Diario de Aruba