Esaki despues di varios comentario negativo riba publicacion di e noticia aki. Ta teme cu esaki lo bira un opcion mas pa “turistanan” cu lo keda ilegal riba e isla, pa motibo di e situacion di conflicto y di reto socio-economico na e pais bisiña.
E compania Paraguana a anuncia cu fin di october nan lo cuminsa nabega entre Guaranao y Aruba. Despues lo cuminsa biaha entre Aruba y Corsou tambe. Si negoshi ta duna, ta considera hasta pa envolvi Boneiro den un di tres fase. E intencion ta pa biaha tur mainta pa Aruba y atardi mes ta regresa Venezuela, cu un capacidad di 600 pasahero, 120 auto, 6 container di carga y espacio pa carga 250 palet.
Pero for di momento cu a anuncia cu e compania Venezolano a keda cla cu permisonan pa nabega pa nos isla, mesora comentarionan a cuminsa subi den e “comments” nan di website local y pagina di Facebook. Publico ta teme masha na mas ilegalidad riba nos isla, specialmente si tene na cuenta e situacion explosivo den cual habitantenan di Venezuela ta bibando aden.
Ta cuestiona con lo permiti Venezolanonan baha cu nan auto y move rond riba nos isla sin mas. Tambe ta cuestiona si Cuerpo di Aduana y Grens Politie y Haven Politie ta suficiente ekipa pa por maneha e fluho adicional aki a base diario.
E asunto ta duna indicacion cu Ministerionan den e mesun Gobierno no ta comunica cu otro riba e tipo di proyectonan turistico asina y ta mas pendiente di cantidad enbes di calidad. Claro cu mas turista semper ta bonbini pero por lo menos Inmigracion y Warda nos Costa (IASA) como tambe Polis mester ta consciente di e reto aki y pa por tin e asunto bon controla pa evita cu 600 hende ta yega tur dia y 500 ta regresa back Venezuela.
Mester purba yega na un formula den cual ta garantisa cu e “turistanan” aki ta bin pa gosa di nos isla pero no ta trece mas productonan pa bende, tin biaha hasta ilegal y riba dje purba keda mas di locual ta permiti pa ley.
Minister di Husticia mr. Drs. Arthur Dowers a keda di bay investiga e asunto aki miho pa cera conoci cu plannan di e compania aki y pa verifica cu ken nan a sinta pa e permisonan necesario. Esaki pa evita cu ta haya e ferry aki di sorpresa yegando nos waf diariamente cu pasahero y carga.
Pa logra esey mester tin acuerdonan bon cera y pa auto di Venezuela por bin core rond riba nos isla tambe lo rekeri permisonan adicional, specialmente pa asunto di seguro si nan haya nan mes envolvi den un accidente.
Fuente: http://www.diario.aw
No hay comentarios:
Publicar un comentario
Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.