Aruba no por deal cu e fluho di turista extra cu ta bin for di Venezuela y tin cu haci algo cun’e

Dialuna mainta a tuma lugar un reunion kizas di hopi interes y di balor den parlamento. Ta trata di un situacion existente na Aruba na e momentonan aki.
Segun Andin Bikker di PDR, a haya informacion riba e tematica awe di e problematica di cierto preocupacion den pueblo pa e fluho di turistanan cu ta bin for di nos pais ruman Venezuela, caminda cu ta wak cu tin un desborde den cierto casonan di criminalidad, etc.

Y hopi preocupacion pa esaki. A haya cifranan cu por a constata cu normalmente nos ta haya un fluho di 150 mil turista cu ta bin anualmente tur e añanan cu a pasa, caminda cu nan ta contribui na nos turismo.

E mercado di turismo di Venezuela ta e di dos, a parte di esun di Merca y otro paisnan. E aña aki a bin 100 mil turista adicional for di Venezuela y aparentemente e fluho aki nos pais no por deal cun’e. E tin cierto molester y eseynan ta wak con nan ta bay adres’e.

A tende tambe cu gobierno lo manda un carta pa Hulanda, pasobra tin un aspecto pa loke ta trata e visa. A puntra e minister, pasobra den nos leynan te dia di awe, cu ta Aruba ta dicidi riba visa.

Tin di compronde cu e otro mandatarionan a bisa cu ta Hulanda ta dicidi riba dje y ta den ehecusion tin cu atende cu Hulanda. Pero si bin cu un sistema pa Merca, ora biaha pa Merca, cu ta online ta aplica, introduci un sistema di Visaweaver y e 150 mil averahe cu kier pa sigui bin e pais aki, siguramente lo por pensa un sistema cu por atende cun’e.

Bikker ta sigui splica cu ta ideanan cu den dialogo entre Parlamento y gobierno awe a intercambia. Nos ta gradicido cu por tabata tin e oportunidad pa intercambia di opinion cu gobierno. Esey ta duna di conoce cu parlamento ta vigilante y ta scucha preocupacion den pueblo pa yega na solucionnan concreto riba e tematica aki.

E ta un problema hopi complica si. E evaluacion cu ta wordo haci ta e parti di turismo substancial cu ta keda contribui na nos economia y lo kier pa nan sigui contribui.

Con cu bay bin tambe otro aspecto cu si bay introduci cierto reglanan pa loke ta trata visa, etc., con ta bay deal cu e hecho cu e cercania di e pais cu e ora ta bay haya ilegalnan ta drenta y cu no tin nan registra.

E problematica ta uno complica y no tin un solucion cu por bisa un tipo di posibel medida of cualkier otro tipo di reglamentacion, lo ta solucion’e den un solo. Ta keda cu e pregunta cu e economia awor aki ta depende solamente riba turismo.

E mercado di turismo di Venezuela ta substancial, los di a bin cu awor aki. Pero ta keda depende riba esnan cu tin condominio, cas y timeshare aki y cu pa decada ta contribuyendo na e economia di e pais.

E solucion no ta un so, ta un pakete cu lo mester evaluanan y evalua tambe na un manera cu e ta mantene e fluho di turista, cu semper a contribui na nos pais y cu no a causa ningun tipo di problema, e Parlamentario a comenta.

Fuente: http://www.diario.aw