E problema mas grandi pa autoridadnan di e isla ta e hecho cu hopi di e grupo di Venezolano cu ta yega Curaçao, kier keda den forma ilegal of no tin suficiente fondo pa hustifica un cierto cantidad di dia di permanencia riba e isla.
Esaki ta pone cu oficialnan di inmigracion tin cu tuma pasonan necesario pa atende cu e hendenan aki y nan ta ser manda back pa Venezuela riba mesun vuelo cu nan ta yega cune.
Sinembargo sr Clarenda a mustra cu no mester perde for di bisa e situacion cu tin na e momentonan aki na Venezuela, caminda e desaroyonan politico y economico ta empeorando cada dia y hopi hende ta purbando di bandona e pais y busca un miho porvenir otro caminda, cu ta un situacion hopi serio.
Sinembargo e director di turismo di Corsou a mustra cu Gobierno ta tumando pasonan necesario pa evita cu e accionnan cu ta worde tuma contra di hendenan procedente for di Venezuela, lo no crea un problema pa e isla.
Un di e exigencianan principal cu inmigracion ta tuma na momento di yegada di Venezolanonan, ta esun financiero, caminda lo controla si nan tin suficiente cen y esaki ta basa riba e cantidad di dia cu nan ta pidi pa keda loke ta pone cu nan mester tin entre 500 pa 700 Dollar y tambe nan mester tin un reservacion di un hotel of un adres local creca un famia, cu ta parti di e pasonan cu autoridadnan di Corsou a tuma pa atende cu e situacion aki.
Mescos cu na Aruba, sr Clarenda a mustra cu na aeropuerto di Corsou tambe tin problema cu transporte ilegal di turistanan, principalmente hendenan cu ta bin for di Venezuela pero cu autoridadnan di aeropuerto na Hato, tin e situacion hopi bon bou di control y tin un control debidamente tumando luga pa autoridadnan di aeropuerto, pues door di esaki esaki no a bira un problema cu ta presente su mes constantemente.
Pa loke ta e aspecto di turistanan Venezolano cu ta move na pia cu maleta den cayanan di e isla, sr Hugo Clarenda a mustra cu esey no ta e caso na Corsou ya cu autoridadnan cu ta atende cu e hendenan aki na momento cu nan baha for di avion, ta controla estrictamente sin nan tin fondo suficiente pa cubri nan gastonan di por ehempel transporte y estadia riba e isla.
Fuente: http://www.diario.aw |
No hay comentarios:
Publicar un comentario
Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.