Diario de Aruba: Financiadonan debe 2020 di Citgo ainda no ta haya placa

Semper DIARIO a trece dilanti cu lo no ta facil pa Aruba deshaci di e acuerdo cu el a firma cu Nicolas Maduro na 2016 pa habri e refineria na Aruba.
Importante den e areglo aki lo bira, kende lo keda responsabel pa aspectonan hopi importante den e contracto.
Informacionnan cu a drenta for di Merca ta duna DIARIO rason cu e team cu ta negocia pa Aruba mester ta e miho experto riba su tereno.

E forma cu e representante di e grupo Guaidó a move na Merca pa scapa e compania for di man di e financiadonan di e debe cu Nicolas Maduro a haci pa PDVSA cu Citgo como borg na 2016, ta duna prueba di capacidad.

For di October, PDVSA mester a paga casi Un Biyon na e companianan cu na 2016 a duna PDVSA un prestamo y a haya e mayoria di propiedad di Citgo como borg.

E representante di Guaidó a bay Corte y a mustra cu e debe ta ilegal pasobra Maduro no a haya autorisacion di Asamblea Nacional pa haci e debe y hipoteca Citgo.

Corte na Merca a bay di acuerdo cu e peticion di grupo Guaidó pa pospone e caso pa Mei 2020 loke ta nifica cu por lo pronto Citgo a scapa di e peliger di wordo uza como pago pa e debenan di PDVSA y pasa pa otro doño.

Fuente: Diario de Aruba