Mundo henter tabata tin nan wowo riba Venezuela ayera diadomingo, unda e votacion pa e asina yama Asamblea Constituyente convoca pa e Gobierno di Nicolas Maduro a transcuri den un clima di violencia cu a laga un saldo di 16 morto y hopi hende herida.– Varios pais entre nan Mexico, Colombia, Panama, Argentina, Costa Rica, Peru y Merca a anuncia cu nan no lo reconoce y cu nan ta considera ilegitimo e resultado di e votacion pa un Asamblea Constituyente na Venezuela.
– Informenan extra oficial: Maduro lo a perde mas di 3 miyon di voto, reduci na 2 miyon y mey cu a vota diadomingo, un abstencion rond di 85%, segun oposicion.
– Oposicion a convoca marchanan awe dialuna (dia cu e Asamblea Constituyente lo wordo instala) y diaranzon como protesta contra e proceso fraudulento.
UPDATE:
Segun datonan di e Conseho Nacional Electoral di Venezuela, den un conferencia di prensa prome cu mey anochi, a anuncia cu mas di 8 miyon venezolano: 8.089.320 (41.53%) lo a vota pro e Asamblea Nacional Constituyente.
Nicolas Maduro a pronuncia su mes y a yama esaki un victoria. Mientras tanto, e reaccionnan a cuminza resona tur caminda, principalmente for di e oposicion, kendenan lo sigui den nan accion cu nan a convoca pa dialuna.
Fuente: Con información de https://www.diario.aw
No hay comentarios:
Publicar un comentario
Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.