(Aruba) Di e 7 master agreementnan di Citgo, seis no por bisa cu ta confidencial

Oposicion ta preocupa. Segun lider di fraccion di PDR, Andin Bikker, e leynan a yega Parlamento pa loke ta aprobacion pa por bay over na e reapertura di e refineria. Sinembargo e ley ta referi na diferente documento cu Raad van Advies si a haya sin ningun restriccion pa nan por a studianan. Oposicion, no obstante ta premira cu lo bay cuminsa trata e ley.
Nan mester sinta den Bibliotheek , bao di supervision di coordinadornan di minister, pa por wak e documentonan aki y a pidi ayera, tur fraccion a bisa den un senioren convent cu kier tur e documentonan sin ningun restruccion.

A haya un contesta diamars tardi laat di minister, bisando cu tin diferente informacion confidencial den e documentonan aki, cu nan no tin mag di release nan. Nan mag di solamente duna nan na un manera ter inzage, cu por bay wak nan, lesanan bao di supervision di coordinador.

Pa Bikker, esaki ta inaceptabel. PDR, MEP y Marisol Tromp a bay notifica Gobernador riba e actuacion aki. Andin Bikker cu a cuminsa repasa e acuerdonan a splica cu e por a wak cu tin 7 masteragreement, por ehempel cu Citgo, 6 di nan ningun hende por bisa cu tin algo confidencial den nan.

Ta cosnan standard legal cu ta uza constantemente. No tin ningun informacion confidencial, ni cuanto bari di petroleo. E partinan ey nan no tin mester di comparti cu Parlamento. Den ad endumnan por a wak, cu por ta eyden cu por ta un parti cu lo tin aspectonan confidencial aden.

Di 7 masteragreement, 6 di nan nan no tin nada confidencial den nan. E ta reta Gobierno pa bisa cu ta otro. Esun di Valero ta mesun cos. Acuerdonan estilo Mericano, tin hopi recitals, tin hopi parti caminda cu nan ta bisa kico lo bay tuma luga, kico nan ta compronde bao di un oil terminal, etc.

Tin hopi inleiding y definicion cu no tin nada di haber cu confidencialidad. Segun Bikker, pakico nan ta nenga y duna e acuerdonan aki. Den un di nan por a mira un clausula cu ta bisa cu pa ley y pa constitucion nan mester duna informacion, nan no mester worry cu nan ta haya un claim, pasobra ta normal cu mester duna informacion na parlamento y si ta necesario, por bisa cada fraccion, nan mester firma un confidentiality agreement.

Pero manera cu Bikker a bisa, di e 7 master documentsnan, 6 no tin nada confidencial den nan. Y den esun di Valero por ta tin cierto ad endumsnan cu por bisa cu por ta confidencial, e ora duna e partinan cu no ta confidencial. Awo a bay cerca Gobernador pa por splica e preocupacion di PDR.

E naturalesa di e documentonan cu no tin nada confidencial den nan y pa intermedia pa por haya e partinan di documentonan aki cu no ta confidencial, cu por studianan pasobra tempo ta preta. Apenas dialuna merdia lo tin un reunion publico y como Parlamentario mester prepara.

Ta bay subraya cu Raad van Advies a bisa cu tin cierto partinan den e agreementnan aki cu nan no por cuantifica kico ta e garantianan cu Gobierno a duna, pasobra nan ta open ended. Tur e partinan aki, un di nan cu a wak, ta manera un pagina y mey di garantia di Gobierno y como parlamentario e partinan ey tin cu tira un bista riba nan.

Ta lamentable cu no ta haya copia pa por studia nan. Ta stroba den nan trabao y mirando e tempo y e presion cu tin riba nan e factor aki, ta cuantifica su mes.

Diferencia di “wak”

E sistema Parlamentario di Aruba no ta funciona. Gobierno no ta esun cu ta kies. Parlamento ta e organo mas halto y Gobierno di Aruba bao di Gabinete Mike 1 y 2, constantemente ta trapa riba e derechonan Parlamentario. Pero door cu ta un sistema monista cu un mayoria di un solo fraccion, e democracia parlamentario a worde afecta.

Normalmente nan por pone cierto documento ter inzage, pero ora cu documentonan no ta substancial ni instrumental pa un ley. E ley aki ta mara na e documentonan. Ley ta bisa cu ta pidi aprobacion di parlamento pa e agreementnan, pa nan por sea reafirma loke nan a firma caba, of enforsa loke nan a firma y inseparabelmente e documentonan aki ta mara na ley.

Ora cu ta bisa cu e ley aki ta bin parlamento, pidi aprobacion di Parlamento pa bay di acuerdo cu cierto agreementnan cu a cera, cu Raad van Advies si a haya, sin ningun coordinador sinta wak den nan bibliotheek pa bay door di nan, Parlamentarionan, mester bay sinta den bibliotheek cu algun coordinador, e ora nan ta mesun Hoog College cu Raad van Advies. A caba di consulta cu e Agreementnan aki, di 7 seis di nan no tin ningun aspecto confidencial, manera cu Gobierno ta bin bisa den un carta cu el a manda ayera, segun Andin Bikker.

Fuente: http://www.diario.aw