(Aruba) Grupo di barconan Venezolano ta navega carga tur dia entre waf di Barcadera cu Dump

Cada dia ta mira basta movecion cu ta causa un incomodidad pafo na waf di Barcadera y vecindario. Ta grupo grandi di un cantidad di Venezolano cu ta yega cu barconan pa supuestamente trece mercancia. Nan ta sali caya manera ta doño di Aruba nan ta. Un cantidad di nan ultimamente ta bay te riba Dump y bolbe carga bek na waf di Barcadera.

E reaccionnan ta hopi y den forma negativo pa e grupo di e tripulantenan di barco. Hendenan ta haya cu e hendenan aki no mester sali for di waf mes. Nan mester yega na waf, baha of tuma nan mercancia y djey sali bek cu nan barco.

E libertad di sali bay for di mainta y bolbe te anochi ta loke awe ta wordo cuestiona. Pa colmo tin cu for di mainta ta para den forma sospechoso den un auto na entrada du Dump cual motibo Polis a wordo yama. E grupo aki a bin pa piki tire. Ta straño con esnan riba Dump cu ta personal di Serlimar ta laga tanto hende subi dump y bay cu cantidad di porkeria cu ta wordo benta afo.

E ta hopi straño cu un lugar cu ta solamente pa tira sushi tin tur dia caranan straño ta piki cos y bandona e Dump carga. Esaki ta algun foto di e trafico di e pasaheronan Venezolano cu ta bin riba barco. Nan ta bolbe aki carga cu porkerianan cu a piki riba Dump.

Fuente: http://www.diario.aw