(Aruba) Buskeda den Colony pa ilegal anochi despues cu Polis a coy boto Venezolano

Alrededor di 9:30 diasabra a drenta informacion cu tin un boto cu a haci un drop di hende na altura di Santana di Cacho cu Baby Beach. Di biaha a manda varios unidad di Polis pa busca den e area pa wak kico nan por topa.

A sera e area na e entrada pa asina por controla ken ta drenta y sali. No a laga ningun auto drenta den Colony pa asina por tin un mihor buskeda den e area. Polis riba lama cu Kustwacht a logra gara e boto y detene e capitan y cu a admiti cu a drop hende.

Diferente team di polis a activa pa e buskeda aki pero no a logra gara nada. Na porta di Colony a detene un persona stranhero cu tabata pisca y debi cu e no por a prueba cu e tin su documento a bai cune warda pa mas investigacion. Su hendenan cu tabata cune a bisa polis cu e tin tur cos na ordo y cu e tin nan na cas.

Polis a conseha nan miho bay cas busca e documentonan y presenta warda y lo lage bai di biaha.

Fuente: http://www.diario.aw