Si presenta algún problema para acceder y visualizar “Noticias Candela” visite www.informe25.com (pulse aquí) y vea allí el recuadro amarillo...

miércoles, 11 de enero de 2017

(Aruba) Fondonan ricibi for di traspaso na gobierno si ta worde gasta caba

Den combersacionnan dentro di comision di trabao den e plataforma nobo, por a tuma nota cu tin un buraco basta grandi cu a worde laga atras den e presupuesto 2016. Sumanan cu ya caba a cuminsa worde aloca y cu a ricibi pa un refineria cu mester cuminsa opera. Cu lamentablemente te dia dia awe ainda no ta operando y no tin un bista cla ainda riba ki fecha esaki lo cuminsa opera.
Ta mira un suma di casi 30 miyon Florin cu ya caba a cuminsa worde uza, cu ta fondonan di traspaso di Valero pa Refineria di Aruba cu a worde autorisa pa Gobierno pa cubri e deficit den e presupuesto. Ta menciona esaki pasobra un di e enfokenan cu ta bay tin cu diferente grupo, ta di e maneho structural cu mester existi pa nos finanzas publico. No cu esaki cada biaha ta worde tapa door di entradanan cu gobierno ta ricibi na un forma incidental.

Importancia Presupuesto Supletorio:

Presupuesto Supletorio a worde trata den Parlamento den fin di aña. Un Presupuesto supletorio ta hopi importante pa atende, teniendo na cuenta e consecuencianan financiero cu esaki tin cu ne.

Ex-Ministro Otmar Oduber encuanto esaki a indica na DIARIO: “Mi a carga e responsabilidad den gobierno pa casi 11 luna, caminda cu mi por a mira den e presupuesto supletorio aki, cu e Ministerio di Turismo, Transporte, Sector Primario y Cultura a genera practicamente 11 miyon Florin adicional riba loke tabata presupuesta pa gobierno den e presupuesto original di 2016. Lamentablemente 100% di e 11 miyon aki a worde consumi door di otro Ministerionan cu den e caso aki tabatin deficit nan, cu ta haci cu e surplus aki cu por tabata existi, no ta presente. P’esey ta importante pa gobierno sigura entradanan cu ta consistente y no esunnan cu ta drenta na un momento y despues no por conta riba nan mas.”

ATA a genera mas fondo cu a worde presupuesta inicialmente, AAA tambe a genera mas fondo cu tabata presupuesta den 2016, pero tambe departamentonan manera Directie Scheepvaart y DTP a mustra di por opera mas eficiente y traha mas fondo. Te na e punto cu Dir. Scheepvaart compara cu añanan anterior, awe ta un departamento cu ta cubri tur su gastonan y ainda tin surplus pa gobierno y tin potencial pa hopi mas.

Keto bay wardando:

Mirando fondonan di e traspaso di Valero cu ta worde gasta mester puntra na dado momento, cuanto placa a resta di e suma aki, sin cu tin perspectiva di ki dia e refineria ta cuminsa draai. “Parlamento, a vocifera su mes hopi cla riba e refineria unda cu ta kere den un refineria cu ta genera trabao y entradanan pa economia di Pais Aruba. Sin embargo mester tuma nota cu for di aña pasa maart mester a mira refineria habri su portanan y te awe nada, mientrastanto fondonan ta worde uza pa tapa buraconan den presupuesto di pais Aruba.”

Fuente: http://www.diario.aw

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

LO + LEÍDO...

LO + LEÍDO...