(Aruba) Posibilidad tey cu Pader Jairo Maduro lo bandona Parokia di Brazil

Tin di compronde Pader Jairo Maduro lo bay sali for di parokia di Brazil y lo bay atende cu parokia di Santa Cruz. El a splica cu e lo bira berdad ora cu haya e decreto episcopal, ora cu haya e nombramento den man, e ora e lo bira berdad. Ta cosnan normal den cada bida di sacerdote.

Parokia di Dakota tin 60 aña ta existi y diferente pastoor a pasa na e parokia aki. Awor aki tin un bon pastoor di Polonia cu ta forma parti. Mescos cu parokia di Brazil, diferente pastoor a pasa, hasta local. Manera obispo Ellis a pasa na Santa Cruz. El a pasa na Brazil tambe. Asina e cambionan aki ta normal. Ora cu obispo a haya ta necesario pa bin na un cambio, el a mira e necesidad pastoral y tambe pa no laga nan den e mesun luga pa asina tanto tempo cu tur derecho. Un ta bay y un ta bin. Si uno no por bin e parokia ta keda vacante y esey por afecta e parokia un poco. Ora cu esey ta asina leu, lo por mira e decreto episcopal cu ta nombra Pastoor Jairo Maduro, cual ta keda decision di obispo. E lo bira oficial ora cu Obispo Secco duna e nombramento aki.

Brazil tabata un reto grandi pa Pader Jairo. Por a mira hopi desaroyo den parokia di Brazil, hopi cambio, mas presencia. A drecha e misa di Brazil, den e ultimo ocho añanan. E ta un parokia chikito, e tin su recursonan un poco limita pero toch a logra tin un misa hopi bunita y elegante cu tur hende ta disfruta di dje. Cada parokia di su experiencia. Mescos el a traha na Caracas, tabata un experiencia totalmente diferente cu bida di parokia y ta topa cu otro hende. Cada cambio tin su reto, ta topa otro tipo di hende, otro tipo di pensamento. E pastoor ta bay tey pa representa obispo den parokia y tin cu haci pastoral.

Si e ta un switch, no ta sigur ainda. Ainda obispo no a mustra ken ta bay of ken ta bin, pero lo ta un switch, pasobra ta for di Brazil tin cu move un pastoor pa bay otro parokia pa otro drenta. Hasta tin posibilidad cu Pader Jairo bay Corsou tambe. Obispado ta consisti di 6 isla. Islanan BES, Aruba Boneiro y Corsou ta forma parti di bisdom Willemstad te asina leu, segun pader Jairo Maduro.

Fuente: http://www.diario.aw