(Aruba) Ta spera cu desaroyonan politico na Venezuela no afecta decisionnan importante riba nivel gerencial

Ta conoci cu tin eleccion na Venezuela proximamente. Aruba ta bezig cu CITGO pa posibel reapertura di e refineria.

Durante un combersacion cu prome minister Mike Eman a puntre mesora si e eleccion aki por tin efecto riba e proceso di negociacion cu CITGO?

E ta splica cu Minister de Meza ta hopi conforme cu e companianan cu cual e ta hibando e deliberacionnan aki, ta companianan cu ta hopi independiente.

Companianan estableci na Merca, companianan cu un trayectoria largo y ta wordo reconoci na Merca tambe como empresanan grandi cu actividadnan hopi grandi y naturalmente tur pais, tin despues di eleccionnan, na momentonan cu nan tin cu determina cierto prioridadnan, cierto direccionnan cu nan ta tuma.

Loke e minister a haci den e posicion cu Citgo a tuma, cu ta probablemente ta un posicion cu ta wordo carga basta amplio na Venezuela, los di e aspectonan di gobierno, versus oposicion.

Pa PDVSA, e ta un instituto cu pa añanan, diferente gobernacion toch mester a percura pa e instituto aki por opera pa Venezuela tin su entrada mayor garantisa.

Citgo ta un parti di e operacionnan di un dochter na Merca y como e dochter importante ey na Merca no ta spera cu desaroyonan politico lo afecta decisionnan importante tuma riba nivel gerencial.

Naturalmente ese ta algo cu finalmente Venezuela y su corporate governance structures lo determina, e mandatario a splica.

Fuente: http://www.diario.aw