(Aruba) Ministro de Meza ta premira trabaonan grandi den e refineria

E reunion cu Nelson Martinez di PDVSA cu ministernan de Meza y Croes, tabata uno importante. Minister Mike de Meza a comenta cu nan a reuni cu Nelson Minister, cu tabata un reunion hopi interesante y importante pa Gobierno.

A toca diferente punto di interes pa e proyecto di Aruba cu ta Citgo cu a bin a traha riba dje dos aña caba y por cierto ta mira cu e ta cristalisando. Actividadnan ta tumando luga den e refineria. Tin un plan total y lo bay mira hopi lihe dentro di dos luna cu mas hende ta bay bin pa traha den e refineria.

Pa busca tur e operadornan, pa por bay un school di training, pa e rehabilitacion cuminsa. Ta tuma un asceleracion tambe, hopi mas grandi cu ta bay mira dene lunanan dilanti. Pa otro aña, e prome parti di e refineria lo mester bay den operacion.

Dus ta premira trabaonan grandi. Na mes momento ta mira e proyecto di tubo di gas for di Venezuela, a completa caba. Ya ta trahando riba e disenjo. E costonan ta calcula. “E partinan financiero ta proyecta y ta trahando riba esakinan.

Ta premira trabaonan grandi cu ta bay tuma luga riba diferente di e proyectonan aki. Por a mira e branding di Citgo cu a tuma luga na Aruba, den e diferente gas stationnan. Trabaonan grandi a worde haci cu tur ta orguyoso di dje. Ta premira trabaonan hopi grandi cu a bin ta realisa hunto cu minister Nelson Martinez cu tambe ta presidente di Citgo ya dos aña caba.

Awe por a mira e frutanan. Minister de Meza a splica cu e relacion ta sumamente positivo. Ta masha contento pa esey tambe pasobra como dos pais, Venezuela y Aruba, bisinjanan di otro pa miles di aña, no ta bay kita di esey, conhuntamente por haci trabaonan grandi cu ta beneficioso pa tur pais.

Cu esaki ta bisa di tin un relacion positivo cu Gobierno di Venezuela, hunto cu Gobierno di Aruba y specialmente cu sr. Nelson Martinez, colega minister di energia cu a traha cun’e pa dos aña largo, cual ta sumamente contento y orguyoso di dje.

Fuente: http://www.diario.aw