Si presenta algún problema para acceder y visualizar “Noticias Candela” visite www.informe25.com (pulse aquí) y vea allí el recuadro amarillo...

lunes, 20 de febrero de 2017

(Aruba) Tur hende contento cu e prome entrega di 100 badge na trahadornan di Citgo

Diabierna e prome 100 trahadornan di Citgo Refinery a ricibi nan badge pa por subi riba e tereno di e refineria pa traha y durante un conferencia di prensa, den presencia di Ministernan Paul Croes y Mike de Meza y Prome Minister Mike Eman, Project Director di CITGO Alirio Zambrano a trece dilanti cu e ta contento cu e logro aki y cu ta bay bin diferente logro mas, pa loke ta e refineria.

Zambrano durante e conferencia di prensa a presenta su management team un pa un y el a gradici tambe e team di recursonan humano.

Prome Minister Eman tambe a hiba palabra y a bisa cu pa Aruba esaki ta un momento grandi, pasobra no solamente a firma e acuerdo pa re-apertura di e refineria algun luna pasa, sino awor nos por “pone caranan riba dje”.

“E papelnan ta bunita, e documentonan tabata diki den volumen, pero locual di berdad ta importante ta cu e re-apertura di e refineria ta bay crea trabao pa nos ciudadanonan, e ta trece bienestar pa nos hendenan y un futuro prospero pa Aruba”.

Esaki segun Eman, kende a sigui bisa cu e ta contento di wak 4 compania grandi ya caba cu 100 empleado cla pa cuminza traha, pa yuda cuminza operacion di e refineria.

Prome Minister a elogia minister de Meza pa su esfuerzonan y persistencia pa busca tur ultimo recurso pa habri e refineria bek.

Eman a elogia minister Paul Croes tambe pa su trabaonan.

Minister de Meza na su turno a duna e prome 100 empleadonan un pabien, pasobra esaki ta algo sumamente importante pa Aruba y sigur pa region di San Nicolas.

“Nos sa tambe cu tin hopi di nos amigo y ex coleganan cu ta wardando riba trabao y pesey ta na bosonan pa cuminza cu e prome partinan di trabao, pa despues tur esnan cu ta interesa den traha den e refineria, por cuminza akinan mas pronto cu ta posibel”, segun de Meza.


Fuente: http://www.diario.aw

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

LO + LEÍDO...

LO + LEÍDO...