(Aruba) Invasion di Venezolanonan tambe ta un peliger pa nos salubridad publico

Segun Parlamentario mr. Juan Ady Thijsen actualmente Aruba ta sufriendo den e aspecto di criminalidad cu e binimento di Venezolanonan pero e presencia illegal di Venezolanonan ta un peliger tambe pa nos salubridad publico.

Ta conoci cu ora un trahador di afo kier bin traha na Aruba e tin cu pasa den un control medico prome cu e haya permiso di trabao. Esaki sigur no ta tumando lugar cu e tantisimo turistanan Venezolano cu ta kedando illegal na Aruba. Na Hulanda nos por a mira cu den e grupo di vluchtelingenan a bin haya hende cu e malesa Ebola.

Pa e motibo aki parlamentario mr. Juan Ady Thijsen ta haci un yamada na Ministro di Salubridad Publico pa e pone su mes urgentemente na altura di e situacion y tuma medidanan necesario den bienestar di e salud di nos pueblo.

Parlamentario mr. Juan Ady Thijsen a bisa di ta lamenta cu gobierno a sinti man cruza y no a haci nada pa proteha e pueblo te awor aki y cu esaki ta mustra un biaha mas e incapacidad y responsabilidad di e gobierno aki y pesey e gobierno aki mester bay cas mas pronto cu ta possible.

Fuente: http://www.diario.aw