Si presenta algún problema para acceder y visualizar “Noticias Candela” visite www.informe25.com (pulse aquí) y vea allí el recuadro amarillo...

lunes, 9 de enero de 2017

(Aruba) For di un principio Hulanda a duna green light pa cuminsa cu negociacionnan cu Citgo

Minister Richard Arends
Prome cu a cera e MOU cu Citgo, pa cuminsa cu e negociacionnan mes, a pidi ministerio di asuntonan exterior di Hulanda, como parti di e negociacionnan a toca responsabilidad di Reino, como ministerio di Reino, di asuntonan extranhero di Hulanda, a pidi nan pa haci un quickscan pa Aruba, pa mira si di berdad por conta cu e sosten di Hulanda, pero tambe, mirando tur e desaroyonan nan Venezuela, si Aruba tabata haciendo algo bon di por a cuminsa cu e negociacionnan.
Resultado di e quickscan tabata positivo. E prome resultado di e quickscan eynan tabata e MOU cu a worde firma na September di 2015, sigui pa e acuerdonan cu a worde firma un aña despues.

Arends a sigui splica cu a worde invita prome cu fin di aña pa un briefing oficial di ehecutivonan di Citgo na unda cu nan a indica kico ta e proceso cu ta bay cuminsa awor aki y tambe parti di e empleado cu e rehabilitacion fisico di e refineria ta bay cuminsa e simannan nos dilanti aki cu tambe por cuminsa wak movimento di hende, empleado y tambe contratistanan cu lo asisti e contratistanan Frances/Venezolano pa e rehabilitacion di e refineria. Nan tin cu traha cu e contratistanan local. Citgo no tey pa inventa e wiel di nobo. Nan tin un draaiboek di e ultimo 100 añanan cu Aruba tabata tin un refineria y Citgo no ta bay haci mucho cos diferente pa loke ta esey.

E empleadonan local y e contratistanan local obviamente tin preferencia.

Segun minister Arends, tur prome di luna ta ricibi e parti corespondiente fiho. Refineria di Aruba ta ricibi e parti corespondiente di huur y tambe Departamento di Impuesto, e compania Citgo Aruba Refinery ta cumpli cabalmente cu su obligacionnan y cual for di un aña pasa, ta mustra corporate citizenship.

Minister Richard Arends ta sigui splica cu a calcula, si wak kico Valero tabata genera pa aña, trahadonan di Valero, inclusive tur e contratistanan, ta papiando di un 90 miyon Dollar pa aña, esey ta exclusivo di e lease y tambe di e minimum tax payment di 10 miyon di Dollar. E reapertura di e refineria por nifica esey pa aña pa Aruba.

E rol di Hulanda tabata crucial den esaki. E quickscan a worde presenta na Gobierno di Aruba, cu un carta di e canciyer Hulandes, sr. Coenders, unda cu ta indica cu tin green light, cu no tin ningun peliger pa Reino, ningun peliger geopolitico ni pa reino ni pa Aruba y por cuminsa cu e negociacionnan pa lease e refineria y asina haci e reapertura di e refineria posibel.

E ta un carta cu nan ta yama “blauw”. Parlamentarionan Hulandes a manda pidi e carta y el a worde poni den inzagge na parlamento Hulandes, vertrouwelijk ter inzagge. Mesun cos cu a haci na Aruba cu e documentonan di Citgo, ta un quickscan cu a worde poni ten inzagge na Hulanda pa e parlamentarionan.

Fuente: http://www.diario.aw

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

LO + LEÍDO...

LO + LEÍDO...