(Aruba) Aumento drastico di peticion pa prolongacion di estadia pa turista Venezolano cu no ta keda den Hotel

Na Departamento di DIMAS tin e parti unda ta atende cu extension di estadia. Esey ta mas riba parti di estadia turistico, unda cu ta wak e volumen di e cantidad di personanan cu ta bin na Dimas pa pidi un extension mas largo cu 30 dia.
Esaki a subi y e Venezolanonan ta e grupo mas grandi cu e aña aki ta representa 51% di e cantidad di peticionnan cu tin.

Hunto cu e Colombianonan, e dos gruponan mas grandi cu tin ta pidi extension di estadia turistico, no pa keda na hotel, pero pa keda cerca famia of conoci.

Ta un grupo cu a wak cu ta pone un presion basta grandi cu ta fluho di productonan cu tin cu atende y pa esey tambe a tuma un decision cu entrante di 1 di Juni lo amplia e servicionan cu a duna door di pone cu por haci cita di antemano.

Pues no mester bin para den rij pa coy un number pa worde atendi pa cierto productonan mas cu tabata yama Walk In clients, pero por haci e cita online y ta bin na e ora y dia cu a boek e cita pa bin entrega e estadia turistico, of duplicado of ta bin pidi un declaracion cu ley no ta aplicabel pabo, tur eseynan ta posibel awo cu ta haci e cita online y ta bin Dimas na e ora indica, pa reparti asina e cantidad di hendenan cu ta worde atendi a base diario, Kathy Paskel cu ta hefe na DIMAS a splica.

Fuente: http://www.diario.aw