(Aruba) Actonan ilegal a worde tapa y dera door di ministerio publico

Segun Abogado Edwin Duijneveld, na Aruba nos tin e dicho “makamba no ta come makamba’.
E dicho aki no ta existi por nada, pero cu esaki ta bay asina leuw cu violacionan grave ta worde tapa door di hende cu ta worde paga pa proteja y vanguardia nos systema hudicial ta un berguensa total y ta pone nos estado di drecho tembla. Unda nos ta bay ora e conoci barco Hulandes “Panter” di Guarda Costa cu supuestamente tey pa protehi nos costanan contra illigalidad mes ta participa den dje. aña pasa e barco aki a bin cu licornan y cigaria di St. Maarten y kier a drenta esaki sin paga invoerrechten y accijnsen.

Ora esaki a worde deskrubi door di douane Recherche esaki a worde tapa door di husticia cu conicimento y aprobacion di e procureur general Hulandes !!!

Esaki hasta a bay mas leuw, pasobra purba di sera boca di un trahado publico na unda e mester responsabilsa su mes na gobernador. Kiermen gobernador tambe ta na altura !

Prome cu hiba e asunto mas leuw mi ta invita autoridadnan judicial pa duna pueblo un splicacion pakico Buchi Juan c uta bin cu un tanki gasoil di Venezuela si ta worde colga di biaha per actonan hopi mas grave di Shon Jan ta worde tapa door di Shon Piet.

Pueblo nan por sigui purba di sera mi, purba di kita pan di boca di mi yiunan, pero mi boca yamas nan lo sera. Keda pendiente tin hopi mas.

Fuente: http://www.diario.aw