(Aruba) CITGO is more than welcome in San Nicolas

Segun Alan Howell, manera ta bon conoci cos ta andando den bon direccion. Minister de Meza ta trahando duro pa logra e meta cu hopi ta desea, esey ta e reapertura di e refineria.

Un trabao cu no ta bay mes facil cu chupa un pruim pero cu sabiduria, boluntad y profesionalismo di parti minister de Meza, gobierno y cu fe den Dios tur cos ta posibel.

Por sinti si unda cu bira y muy especialmente na San Nicolas, e deseo di pueblo ta pa Gobierno logra e reapertura. Semper tin otro hendenan cu otro opinion y esei den un pais democratico mester worde respeta.

Pero un cos ta sigur, cu e reapertura aki e economia di Aruba lo haya un boost tremendo. San Nicolas lo haya un tremendo bida back den tur sentido.

Tata y mamanan lo por aplica back pa traha den e refineria cu aspiracion pa gana un bon salario. Ken lo no kier bon pa nos dushi Aruba. Nos cu ta di San Nicolas mester lucha na tur momento pa zorg cu San Nicolas ta back riba pia.

Pa es motibo tambe pueblo a deposita nan voto, den nos como representantenan di Pariba di brug. Alan por asegura pueblo di Aruba y muy especialmente nos hende nan di San Nicolas cu minister de Meza ta moviendo shelo y tera pa logra e meta tan desea. Ohala pronto cu deseo y poder di Dios, CITGO lo habri su portanan aki na Aruba.

Fuente: http://www.diario.aw