Awe KvK a tuma nota cu a sali un articulo den medionan di comunicacion caminda ta usa e declaracion pa purba crea e impresion cu KvK ta para tras di e acuerdo cu a worde presenta na Parlamento.
Aunke cu esaki no ta e prome biaha cu un Gobierno di nos isla ta manipula informacion pa crea impresion incorrecto den comunidad, tog KvK a keda masha decepciona atrobe den e nivel di comportacion di nos mandatarionan.
Durante e ultimo lunanan hopi informacion a sali cu ta mustra cu e presentacion di tanto luna pasa tabata incompleto ya cu a laga masha hopi detaye afo.
Mirando e informacion (ainda incompleto) di cual KvK ta dispone awe, e posicion di KvK ta lo siguiente:
Ta inaceptabel cu un Gobierno di Reino Hulandes por sconde informacion crucial di e comunidad di Aruba y hasta di e organo mas halto di nos pais, esta Parlamento.
Ta bergonzoso cu miembronan di Parlamento ta accepta e postura aki di parti di e mesun Gobierno cu nan ta worde paga hopi placa pa controla y vigila den nomber di e comunidad di Aruba.
A base di e informacion (incompleto) cu KvK tin, e acuerdo cu a keda negocia ta laga hopi di desea.
Ta keda na e Parlamento di nos pais pa exigi di e Ministro(nan) pa re-negocia e acuerdo pa proteha nos comunidad di consecuencianan negativo den futuro.
Ora re-negocia e acuerdo mester fortalece e ekipo negociado cu un of mas persona cu tin experiencia den negociacionnan internacional cu empresanan grandi pa asina evita consecuencianan negativo serio pa e comunidad cu Gobierno di Aruba tin e responsabilidad di sirbi.
Si cualkier persona ta interesa pa haya mas informacion di e posicion di KvK riba e tema aki of cualkier otro tema, esaki ta disponibel riba e website di KvK.
Fuente: http://www.diario.aw
No hay comentarios:
Publicar un comentario
Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.