Prensa Venezolano tin tur cos y na Aruba tin silencio

Esaki ta un relato cu a sali den prensa Venezolano. Mientras cu na Aruba Polis no mag di bisa nada, Ministerio Publico ta duna casi nada “pa no stroba investigacion”.
Na Venezuela si tur cos ta saliendo cu luho y detaye.

Ta di spera cu fiscalnan na Aruba stop di ta tuma pueblo haci cada biaha y no duna informacion suficiente.

Te awe ningun hende sa si a haya e placa di e Atraco riba Excelsior Casino. Esaki ta e relato cu a sali di prensa Venezolano: E relato traduci ta bisa lo siguiente:

En espera pa wordo presenta dilanti di corte na Aruba, Julio Cesar Garcia Capdevilla (26) alias “El Hampa”, Victor Manuel Valente Albornoz (24) y Carlos Jose Huerta Ibarra (34), yama “Gonzo” pa e robo cu nan a haci riba Excelsior Casino den Holiday Inn Hotel na Palm Beach, ta coresponde na un robo pa por paga un debe miyonario na Tirso Melean, yiu homber di e fayecido productor agropecuario “Antonito” Melean, segun e website di noticia Entorno Inteligente.

Fuentenan policial liga na e investigacion di e caso, a revela cu “Gonzo” tabata wordo presiona pa un lider negativo di e Centro di Arestonan Preventivo El Marite, apoda “El Jueves”, lider di e banda Plan B cu ta orkestra extorsionnan for di e centro di reclusion y Tirso Melean. E oficial no a bisa riba e debe, pero a sigura cu e delincuentenan aki ta menazando Carlos Huerta cu lo asesina su famia “si no ta alihera e pago.”

Pa e robo, e tres Marabinonan reseña den e capital di e estado di Zulia pa robo di vehiculo, a biaha pa e isla pa por paga e debe. “El Gonzo” a biaha prome y a huur un Hyundai shinishi, modelo E10, plachi di number V-2565. Dianan posterior, den e mesun vuelo, a aborda pa Aruba, Garcia y Valente, compaña pa dos muhe prepaga. Nan a reuni cu un paar lanchero pa cuadra e fuga di e isla te na Paraguana, estado Falcon na Venezuela. “Nan a paga nan dos mil dollar en efectivo pa cera e trato.”

E anochi di dia 26 di October, e ladronnan a yega na e hotel den e E10, nan a drenta e casino, a somete cuater empleado, a mara nan y a maltrata nan. Nan a yega te na e caha fuerte, a saca un miyon di dollar y a huy. Oranan mas despues di e robo, full cuerpo policial a wordo desplega buscando e criminalnan Venezolano.

Cerando e posibel vianan di escape di Aruba, aereo y maritimo. Liliana Rasmijn, vocero di polis di Aruba, a confirma na un medio local. Parce cu “El Gonzo”, Garcia y Valente a percata di loke lo bay pasa, ora cu a mira e noticianan den television na Aruba. “Parce cu nan a duna placa na e prepagonan pa nan huy, ya cu e lancheronan nunca a aparece.”

Seis dia mas laat, despues di labornan intenso di patruyahe, a ubica e guarida di e criminalnan. Den un apartamento den Juwana Mortostraat, presuntamente gehuur pa Johana Uribe, un Colombiano cu lo a participa intelectualmente hunto cu su amante den e robo miyonario.

Desde su captura, 15 dia mas despues, corant La Verdad a conoce parti di e motibonan pakico e trio iregular aki lo a motiva pa comete e fechoria. E oficial a splica cu e lidernan di e banda criminal ta tras di e pista di e muhenan cu kende nan a yega e isla, pa asina costea nan debenan cu e dollarnan cu nan a horta. Mientras tanto, autoridadnan di Aruba ta mantene nan encarcela na e implicadonan den e robo y e muhe sospechoso pa aparece dilanti ley.

Fuente: http://www.diario.aw