(Aruba) “Ningun funcionario di Inmigracion a pidi nos pa wak $500″

Un pareha Venezolano cu den fin di siman a yega Aruba, a tende di antemano for di nan pais caba cu ora di yega na Aeropuerto lo tin di bay mustra e suma di $500 cash, como prueba cu nan tin fondo necesario pa hospedaje.

Sinembargo ora cu nan a yega na e funcionario di Inmigracion, y a presenta nan paspoort, e Venezolano tabata habriendo su cartera pa mustra e $500 cash.

Pero aki pa nan sorpresa, e funcionario di Inmigracion a djis bise, cu esey no ta necesario. El a stempel nan dos paspoort, y a laga nan drenta.

“Ningun funcionario di Inmigracion a pidi nos pa wak $500,” e Venezolano a relata.

Fuente: http://www.diario.aw