(Aruba) Dos hende di Aruba ta wordo teni como rehen na Punto Fijo

Actualmente tin un situacion cu ta worde masha scondi door di autoridad, pero tog e informacion a sali na luz di dia. E ta un caso cu mas bien ta andando na Peninsula di Paraguana na Venezuela.

DIARIO a haya sa, cu yiu homber di un comisario di Polis na Aruba y tambe yiu homber di un trahador di Prison di Kia a viaha pa Venezuela.

Nan a bay Punto Fijo, y tin indicacion cu nan a haya nan mes den problema. A worde menciona cu nan a worde “secuestra”, y awor a bay asina leu cu esnan cu tin nan wanta como rehen, a cuminza pidi un suma di placa pa nan liberacion.

Fuera di esey, tin informacion cu ta indica cu posiblemente ta un hende cu tin autoridad na Venezuela, tin nan como rehen, y ta exigiendo placa.

Tur cos ta mustra cu e mayornan mes a bula cu urgencia pazuid, y probablemente nan mester bay cu e placa (“ransom money”) pa asina paga e suma cu ta worde exigi.

Segun informacion a manda cierto prueba caba pa mustra cu esaki ta e dos Arubianonan.

E famia ta siguiendo e situacion masha di cerca pa logra liberacion di nan yiunan. Tur cos ta mustra cu ora e suma drenta e dos hobennan aki lo worde laga atras na bida banda di aeropuerto, y esaki ta e “palabracion” aparentemente.

Na Aruba tur hende ta keto keto riba e cos aki. Asina mes e cos a leak. Spera cu e cos aki caba bon pa e dos amigonan cu a bay hunto Venezuela.

Fuente: http://www.diario.aw