(Aruba) PPA ta sostene estudio pa beach di Divi pero ta preocupa cu subida nivel di lama

Segun Benny Nisbet di PPA, e ultimo estudio di ‘National Oceanic & Atmosphere Administration’ ta indica un aumento pa final di siglo di 2,5 meter en vez di e 1 meter cu a worde indica y cu ya tabatin consecuencia dramatico.

E fenomeno natural unda naturalez esta nos lama ta come nos beachnan banda di Divi/Tamarijn y vecindario ta den noticia un vez mas.

Por a scucha preocupacion di director di DOW riba e problematica aki y por comprende cu tin un posibel estudio cu lo worde haci y lo mester worde paga pa tanto ATA como gobierno.

E estudio lo costa entre 4/500 mil Florin y lo dura 9 luna. No kabe duda cu PPA ta considera un estudio asina importante y necesario.

E ponencia cu PPA lo kier a haci ta lo siguiente. Si e preocupacion awor ta asina grandi pa un e beach den vecindario di Divi, Tamarijn y otro hotel awor pa cu un beach cu ta desaparece pa algun luna despues di cual naturaleza ta trecele back.

Con e preocupacion aki lo ta ora nos lama hisa esta ‘rising se levels’ realmente tuma lugar den futuro y beachnan completo of parcialmente disparse definitivamente.

Si awor den pura kier larga un estudio tuma lugar cu lo tuma un nuebe luna pa atende cu e problematica di e beach na Divi/Tamarijn cu PPA tambe ta preocupa y ta sostene pa e estudio tuma lugar anto unda a keda e preocupacion pa e fenomeno mundial di ‘cambio climatologico’ y ‘rising sea levels’.

E ultimo estudio di ‘National Oceanic & Atmospheric Administration mericano’ ta indica cu pa final di e siglo actual lama mundial lo hiza cu 2,5 meter envez di e 1 meter cu ja a causa hopi catastrophe rond mundo. Esey ta pone hopi mas presion riba e pais/islanan cu ta sea plat of tin un parti di nan ‘costa’ etc cu ta relativamente plat pa cuminsa prepara pa limita e daño aki.

No mester lubida cu despues di un silencio enorme di parti di gobierno y nos Ministro Presidente Mike Eman na december 2015 for di Paris, Francia nos flamante Min Pres a declara cu Aruba tambe ta core risico serio den futuro. Despues di esaki Aruba a firma e acuerdo na New York Naciones Unidas pa despues drenta un silencio enorme atrobe.

PPA como organizacion politico si ta keda preocupa pa e fenomeno di naturaleza aki cu ta ‘man made’ esta e proceso di uso di fuel, pet-coke etc cual ta condusi cu paisnan ta manda mucho CO2 den atmosfeer ta conduci na e effecto natural cu p.e. ijs ta smelt, lama ta bira mas cayente cual ta conduci cu e nivel di lama rond mundo lo hiza substancialmente.

Fuente: http://www.diario.aw