(Aruba) Segun Venezuela, cambio di ultimo ora di Hulanda a tranca acuerdo

'Debi cu Hulanda a haci dificil na ultimo ora, e acuerdo entre esnan cu a reuni diabierna pa mas di 6 ora largo, no a keda aproba'. Fuentenan na Caracas di NoticiaCla y prensa Venezolano cu tabata presente, a bisa despues di nan regreso diabierna anochi. Tabata durante e ultimo parti di e negociacion, cu Hulanda kier a trece cambio den un paragrafo, pa cual e delegacion Venezolano a bisa cu nan mester haya aprobacion na Caracas prome, ya cu e cambionan di 'ultimo ora', nan no ta autoriza pa aproba riba nan mes.
Esey a pone cu mester a para e reunion y keda pendiente pa un aprobacion pa despues nan firma e concepto di acuerdo, definitivamente diahuebs awor durante un otro reunion na Aruba. Kico e cambio ta, no ta conoci. Foto ta di delegacion Venezolano durante e reunion di diabierna ultimo.

REACCION HULANDA

Hulanda su reaccion oficial sinembargo no ta refleha e version di Venezuela. "E tabata un reunion constructivo y bon, unda cu tur partido a trata e preocupacionan di practica di contrabanda". "A base di esey, a formula un declaracion den concepto cu ta trata e puntonan importante ", e reaccion ricibi pa e portal aki. "Posiblemente por yega na un acuerdo ariba termino corto". Te aki e reaccion oficial di Hulanda.

Reacciones de ciudadanos en Aruba...

"Evelyn a HERA entrega Aruba na Venezuela. Hulanda na ultimo momento a EVITA esaki y a para e firmamento di acuerdo cu Venezuela.
Mientras Evelyn tabata loko pa firma acuerdo, y bende Aruba cu Venezuela na prijs di Bolivar,  Hulanda SI a demostra curashi y sali na defensa di Aruba. NO ta firma nada cu por perhudicá ABC
Cu hopi desapunto nos ta confirma cu awe Venezuela mes a basha abao, cu Hulanda a sali na defensa di e Islanan y NO a firma acuerdo.
Kiko lo a pasa si encaso Evelyn so a sinta negosha ? Elo a bende Aruba na Bolivar cu Venezuela. Dios gracias cu Hulanda tabata presente, sino awe nos ta hinka cu un acuerdo bende patria di parti Evelyn Wever Croes.
Un biaha mas Evelyn a demostra cu e ta un NOBATO cu a laga Venezuela doble den 10 pida.
Evelyn kier permiti Venezuela mete y acusa ABC y ta cla pa entrega y firma.
Hulanda a bisa "nee jongens" hier ga ik niet mee akkoord. Ja cu Evelyn a sinta boka sera y rabo den atras, Hulanda a haje ta sali na defensa di Aruba pa EVITA cu Evelyn ta firma un acuerdo di entreguismo cu Venezuela.
Esei ta e Minister Presidente cu nos tin awe. Aruba ata bo cambio. Sinti'e cambio"

Fuente: Con información de http://www.noticiacla.com