(Aruba) Ta cuestion di dia cu e acuerdo cu Valero ta keda firma

Por a tuma nota cu probablemente tin desaroyonan ainda andando cu e refineria, cual probablemente e fecha di 1 di September lo no ta posibel tampoco. Prome Minister Mike Eman, a splica cu loke ta importante ta e finalisacion cu e acuerdo cu Valero.

Pa Gobierno, den e proceso aki, tabata tin dos fase, yega na e acuerdo cu Citgo, cual a keda cla cune tambe algun siman pasa y e di dos ta pa keda cla cu Valero y esey ta tuma su tempo. Por a mira cu den e dianan aki ta yegando na finalisacion cu Valero.

Den e sentido ey probablemente ta alcansa e fecha di 1 di September pa a firma e acuerdonan, tur tanto cu Valero como cu esunnan cu Citgo cu ya ta firma caba. Naturalmente e fecha pa por pasa tur cos den Parlamento ta keda hopi dependiente di tanto di Raad van Advies y tambe e proceso cu mester cana den Staten, riba esey cada un di e institutonan ey ta tuma nan dianan y ta mas cu husto pa duna nan e espacio ey tambe. Asina cu e acuerdo cu Valero ta firma, cual lo sosode e siman aki, naturalmente tur e partinan hopi importante cu partnernan di afo, a keda regla.

E ora ey ta papia di autorisacion di e proceso interno y esey, mirando e sosten grandi cu e reapertura di e refineria tin, sigur bao di e condicionnan cu a pone tur e beneficionan pa Aruba, y tambe e aspectonan di medio ambiente, e aspecto berde cu a wordo reconoci tambe den e acuerdo. Por mira un sosten hopi importante pa e proyecto aki y den sentido ey no tin duda cu e proceso di aprobacion tambe lo cana positivamente.

E ta cuestion di dia awo, no ta cuestion di siman mas, cu e acuerdo cu Valero ta keda firma y e ora ey e proceso di tanto e ley di aprobacion como e ley di aprobacion di e acuerdo, pero e ley di aprobacio di incorporacion di e compania local di Aruba, lo bay Parlamento.

A manda documentonan delanta caba pa Raad van Advies, vooral e acuerdo grandi cu a wordo firma cu Citgo, pasobra e ora ey Raad van Advies tin tempo pa ora cu e ley mes cu ta aproba e acuerdo aki yega Raad van Advies, ya nan por tuma nota caba di e contenido di e acuerdo cu Citgo y esey caba Raad van Advies tin.

A adelanta hopi di e trabao y ta spera cu den e dianan aki por keda cla cu e acuerdo cu Valero y despues tur cos lo bay pa Raad van Advies y despues pa Parlamento, segun prome minister.

Fuente: http://www.diario.aw