domingo, 19 de junio de 2016

(Aruba) Atrobe Polis a rescata boto Venezolano mal carga cu koper

Diahuebs alrededor di 11:00am a drenta melding cu un yate local a nota un boto cu problema di motor na un distancia di mas o menos 7 miya pazuid di Aruba. A resulta cu tabata un boto procedente for di Venezuela cu tabata den lama teritorial di nos isla.

Despues di a haya e melding, e boto di Polis a sali mesora pa e sitio unda a topa e boto “Picurena” cu 6 hende homber abordo, tur di nacionalidad Venezolano. Nan tabatin problema cu motor y nan boto a cuminsa yena cu awa. Nan tabata nabegando 3 miya pa ora. E boto di Polis a duna nan un man pa yega waf di Barcadera sano y salvo.

Locual a sosode ta cu e boto tabata carga cu no menos di 1.200 kilo di koper. Mester remarca cu diariamente botonan Venezolano ta yegando nos isla cu demasiado carga di koper, cu ta hinca e boto den instabilidad. Polis ta raporta cu den e ultimo luna aki so a atende 3 caso caba di boto cu problema pa motibo di exceso di carga, specificamente koper. Den un di e casonan hasta e boto a zink, pa cual mester a rescata e tripulantenan for di lama.

Polis a atende e asunto cu e capitan di e boto, pa ta mas consciente di locual e ta transporta y a haci un apelacion riba nan sentido di responsabilidad, pa cu e tripulantenan cu ta core peliger den un transporte pisa asina. E boto ey en todo caso no tabata traha pa e tipo di transporte nan asina.


Fuente: http://www.diario.aw

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

LEA...

 
LO + LEÍDO...

LO + LEÍDO...