(Aruba) “E conclusion di e condicionnan pa opera e instalacionnan di e refineria ta trece cune cu lo tin diferente perspectiva positivo y bentahoso”

E refineria probablemente lo bay habri y tur cos ta mustra cu tin un acuerdo. Importante pa tende den e henter asunto aki ta cu minister di finansas, encarga cu entrada y salidanan di placa di pais Aruba, kico esaki lo nifica.

Tin un bista kico e entrada aki lo ta, kisas por ta mas, pero por lo menos lo bay tin un extra entrada, un suma di tanto miyon pa kisas huur, lease, ta miyon na impuesto pa haya.

Minister Angel Bermudez, pa pueblo compronde su importancia, a splica cu e conclusion pa loke ta trata e condicionnan pa bay opera e instalacionnan di Valero, den futuro, ta trece cune cu na momento cu esey bay den ehecucion, pa caha di gobierno, pa cual, Minister di finansas ta encarga cu e maneho, lo tin diferente perspectiva positivo y bentahoso.

Na prome luga, e instalacionnan lo wordo verhuurd na Citgo pa un termino largo pa un prijs structural, un prijs stipula caba. Ademas tambe ora nan bay den operacion nan lo contribui tambe cu un minimo di winstbelasting y esey lo por aumenta segun cu e actividadnan aumenta den volumen, esey ta entradanan directo pa caha di gobierno. E lease di e instalacionnan y e winstbelasting di tur aña. Ademas e tin su aspectonan indirecto, e personanan cu wordo emplea ta bay paga loonbelasting, premieheffing, AZV. Tambe nan construccion lo trece BBO aden den caha di gobierno. Ta haya e aspecto di empleo.

A haya aspecto di importacion, materialnan cu tin cu wordo importa pa pone e instalacionnan atrobe den funcion, caminda cu na lo tin cu paga invoerrechten, e subcontratistanan cu lo wordo contrata eynan cu tambe naturalmente ta cobra pa nan trabao. Tin nan empleadonan cu ta traha. Tur eseynan ta cay bao di winstbelasting, loonbelasting, premieheffing. Es decir e ta un perspectiva multiple. Manera cu e minister at bisa, pa loke ta trata finansas publico, e ta un recurso adicional y e ta un fuente di entrada structural weitando e condicionnan cu a wordo combini awor aki pa loke ta trata e periodo di uzo cu lo ta pa 15 y 10 aña mas.

Un total di 26 aña cu lo bay haya for di e entradanan aki cu lo fortifica y lo cementa e parti di entrada di nos presupuestonan di pais Aruba. Esey no kiermen ningun momento so cu lo lanta pia for di brake pa loke ta gastonan. Nos mester por keda domina e gastonan. Asina ey cierto momento por yega na presupuestonan balansa, manera cu tin’e proyecta a 2018.

Na e momentonan aki a caba di saca e relato, e raportahe encuanto e prome tres luna di e aña aki caminda cu ta mustra cu e deficit ta 0.3. Esey kiermen cu ta riba e caminda cu a stipula pa e aña aki, mantene e deficit riba 2% di GDP.

Ta den pleno confiansa cu gobierno por logra mantene den futuro e gastonan di tal manera cu e entrada extra aki lo yuda pa realisa e presupuesto na surplus y esey lo haci pa gobierno posibel, pa cuminsa paga riba su debenan nacional y reduci e gastonan di interes y asina ey por bisa yega na un finansas publico hopi mas structural, stabilisa y sostenibel pa futuro generacionnan na Aruba. 0.3% ta e prome tres lunanan.

Mester yega maximo 2%. Si wak’e algebraisch, por yega te na 0.5%. Esaki kiermen cu ta riba e bon caminda, segun e minister.

Fuente: http://www.diario.aw