(Aruba) Muher Venezolano gara cu droga atrobe den libertad

E muher cu algo mas cu un siman pasa a wordo gara cu droga, ta bek den libertad. Dimes e no mag di keda cana rond na Aruba pero e lo wordo deporta bek. E muher aki tin 20 aña y danki na e atencion di personal di imigracion a capta su movecion y notifica douane.

A bai haci un control riba dje y a haye cu droga scondi na su parti delicado pero tambe droga den likido. E departamento di droga a tum’e over despues di e proceso di Douane. E muher a wordo presenta dilanti fiscal y tambe huez comisario.

Den un siman ya husticia a dicidi di laga e muher bai liber. E muher ta bai bek Venezuela cu un carta of cita pa bolbe pa atende su caso den corte.

Esaki dimes lo no sosode nunca pasobra e lo no bolbe. Ta masha normal.

Hopi ta puntra con husticia ta funciona na Aruba.

Ta gara hende cu kier a sali pa Hulanda, despues di yega di Venezuela cu droga y awor ya e ta den libertad. Husticia ta funciona straño.

Fuente: http://www.diario.aw