martes, 25 de septiembre de 2018

(Aruba) Ningun garantia pa sostene refineria

Na maart 2012, Valero a anuncia cu e lo cera e refineria na Aruba. E decision tabata basa riba cambionan cu a presenta nan mes den mundo petrolero internacional cu tabata haci cu e refineria no por a produci e resultadonan pa por a sigui cu e negoshi.
Ta mas o menos den e mesun un temporada cu na Venezuela a nota cu e compania di PDVSA na Merca, Citgo, no por a garantisa e entradanan cu a visualisa.
Na 2010 Presidente Hugo Chavez a yama Citgo un “mal negoshi”. El a trata di bende Citgo pero no a haya ningun compania interesa pa cumpra e compania petrolero mientras e compania di estado Ruso, Rosneft a cumpra interesnan Venezolano na Europa.

Pa Aruba un aventura nobo ta cuminsa ora negociacionnan start cu Citgo pa habri e refineria cu un secuencia di compania grandi a mustra for di 1985, cu no ta duna resultado financiero desea.

PLACA NO A BINI DI PDVSA SIN PLACA

Cu e proyecto di Citgo Aruba for di inicio tabata un preocupacion grandi pa Reino y a topa cu reserva grandi di mundo petrolero internacional, tabata pa e motibo cu Citgo a bay pidi PDVSA placa. PDVSA tabata den problema financiero y Venezuela den un economico, financiero y social total.

E proyecto total di un Biyon, tabata tin mester di un suma inicial di 100 Miyon. Citgo a bay pidi PDVSA e placa den un tempo cu un fila largo di paisnan y empresanan cu PDVSA tabata debe, tabata exigi pago.

Na e momento cu Aruba a yega na un acuerdo cu PDVSA pa Citgo, Venezuela mes tabata en busca di prestamo pa confronta su situacion y entre otro a duna Rosneft casi mitar di Citgo como borg pa e debe.

Esaki ta nifica cu Aruba no a yega na un acuerdo cu un empresa liber pero cu un empresa cu pa un parti hopi grandi tabata borg di e compania di estado Ruso cu cualkier momento por dicidi cu e ta bira un di e doñonan di Citgo, cu otro companianan tabata trata di haya como nan propiedad dor di confisca e Citgo pa demanda pago di e sumanan cu PDVSA of Venezuela mester a paga nan.

GOBIERNO DI ARUBA A CONTRADECI INFORMACION CORECTO

Na Mei 2017 un agencia noticiero internacional ta publica un articulo den cual e ta señala tardanza den ehecucion di e proyecto. Argus ta adverti cu proyecto no por habri na 2018 manera tabata planea.

E articulo ta cita un representante di e Minister di Energia di Venezuela y ta referi na un informante di Banco Central di Aruba.

Argus ta trece dilanti cu CITGO no tin e sumanan necesario pa financia e proyecto. E financiamento di e proyecto no tabata cla na e momento. Mester a spera gastonan mas halto pa e refineria por traha riba gas.

Ta surgi un controversia si di berdad Argus a papia cu representantenan di Banco Central of cu a uza informacionnan di e relatonan di Banco Central.

Hecho ta cu Argus ta bisa cu e proyecto no ta keda cla pa e refineria cuminsa opera na 2018. Ta menciona 2020 como inicio di funcionamento di e refineria cu un posibilidad cu ta na 2021 definitivamente e por cuminsa funciona.

E Minister anterior di Asuntonan Economico a desmenti e informacion di Argus na Mei 2017.

E Minister a duna siguransa cu no tin ningun problema pa na 2018 e prome parti di e proyecto bira operacional. E ta desmenti cu tin problema pa haya e fondonan necesario.

Segun e miembro di Gobierno anterior rehabilitacion di e compania a cuminsa for di 2016.

ARUBA DEN ZONA DI RIESGO GRANDI

Na Augustus 2018 un bom ta rementa. Prueba a ser duna cu CITGO no por a cumpli cu e contracto, cu ta mara Aruba pero ta duna CITGO beneficio legal importante.

DIARIO ta informa pueblo debidamente mientras desaroyonan ta cada bes mas preocupante.

Crystallex ta haya derecho pa confisca 51 porciento di CITGO. Bista di mundo ta fiha riba Aruba mientras na Venezuela e situacion ta bira mas y mas fastioso.

Na fin di Augustus ainda CITGO y PDVSA no por duna garantianan pa e finalisacion di e proyecto.

DIARIO ta adverti cu na September 2018 palabra cla mester ser papia riba e futuro di CITGO Aruba.

Siman pasa Argus ta cita e Prome Minister nobo di Aruba, Wever-Croes, cu e pais a perde pasenshi. E chens cu e proyecto lo ser realisa ta chikito. Si e plan no bira realidad na 2020 lo busca otro compania.

E articulo ta ilustra cu e contracto cu Aruba a firma cu CITGO ta contene riesgonan serio pa Aruba.

Argus ta ilustra cu e proyecto mester di placa pa por ser realisa. Te awor e placa cu CITGO a pone riba mesa no ta nada compara cu loke mester pa e proyecto di Un Biyon.

Mientrastanto Gobierno Venezolano y PDVSA ta den problema sumamente grandi. China a bolbe yuda cu placa a cambio di interes den cierto companianan di PDVSA.

E momento a yega pa informa Pueblo di Aruba debidamente kico e por spera di CITGO, cu for di su entrada na Aruba tabata rondona cu secreto hasta pa Parlamento cu nunca mas mester bay di acuerdo pa no ta debidamente informa prome cu e duna su aprobacion na un proyecto.



Publicacion internacional ta confirma informacion DIARIO
*Te inicio 2018 a duna Pueblo speransa falso
*Contracto cu Citgo ta contra interes di pais Aruba 
Pueblo di Aruba no a ricibi informacion corecto riba e riesgonan cu e pais ta core cu e proyecto refineria  Citgo. Un proyecto cu no ta conta cu sosten financiero garantisa, a ser presenta na pueblo den urgencia pa diversifica su economia na 2016. Parlamento no tabata tin oportunidad pa tuma nota di e acuerdonan manera democracia ta exigi. Reino a bati alarma. Awe mientras PDVSA ta den un desastre mas grandi cu nunca y banco lo a yuda pa cuminsa cu e segundo fase di 39 Miyon di e proyecto cu no ta cla, publicacionnan internacional ta sostene e informacionnan di DIARIO. Paso pa paso e matutino di pueblo di Aruba a presenta informacion corecto riba e aventura petrolero di PDVSA na Aruba. 



Fuente: http://www.diario.aw ->> Ir

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

 
LO + LEÍDO...

LO + LEÍDO...