viernes, 10 de enero de 2020

Diario de Aruba: Trahadornan di Staf di Citgo a tene walkout

Diahuebs mainta 7’or, trahadornan di Citgo na San Nicolas a tene un walkout pa asina demostra nan malcontento.
Hubert Dirksz di Sindicato FTA tabata presente tambe pa asina sostene e trahadornan cu ta miembro.

Algun di e trahadornan di staf di Citgo, despues di hopi intento cu a haci pa papia cu e tres partidonan, no a logra. A sinti cu e direccion aki di trata e trahadornan no ta corecto. Yegando cu ta yegando momento pa firmamento di Citgo pa bandona e isla, e momento a yega cu ta keda responsabilidad pa cu e trahadornan segun ley di traspaso, haya posibilidad pa trato corecto y husto.

Pero e forma con cos ta canando no por, y pesey FTA hunto cu e trahadornan a tuma decision pa pone trabao abao riba Diahuebs mainta.

Diahuebs mainta tambe tabatin reunion di e tres partidonan (Gobierno, RDA, Citgo) hunto cu Mediador di Gobierno. Diabierna atardi lo reuni cu representacion di Gobierno na Utilities pa mira kico ta bay sali afo si acaso tin noticia positivo y trato husto y transparente pa e trahadornan.

Nan ta spera cu e otro Sindicato IOWUA y trahadornan di top staf uni nan mes na e lucha aki, pa asina por para fuerte. Na final ta papia aki di trahadornna di hopi anja di servici, cu ta perdiendo na traabo y no tin perspectiva. E ta imposible. E ansha y stress riba trahadornan ta aisna grandi, cu e no ta bon. Cu hopi placer e trahadornan ta para pafo, cu e confianza cu nan lo sali di bon.

LOKE TRAHADORNAN KIER:

Segun Dirksz di FTA, e ta calma pueblo cu ainda no tin daño pa comunidad, esta cu abastecimento di combustible ta sigui, y no tin peligro pa comunidad ni pa WEB, ni pa Jetfuel na Aeropuerto.

E demanda di FTA ta principalmente pa Citgo no firma e TSTA (Temporary Suspension Transfer Agreement) cu Gobierno, y basa riba esey nan ta spera contesta. Si e contesta no bin, nan lo keda para pafo.

Si acaso situacion no mehora, nan tin pensa di bay protesta dilanti Oficina di Gobierno.

Den un otro articulo den DIARIO, por lesa di loke a pasa despues na reunion di Mediador di Gobierno.


Fuente: Con información de Diario de Aruba

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

LEA...

 
LO + LEÍDO...

LO + LEÍDO...