domingo, 15 de diciembre de 2019

(Aruba) Gobierno Wever-Croes ta exigi respet pa trahadonan Citgo

Na 2018 DIARIO tabata tin como tarea mas grandi pa prepara Aruba pa e problemanan serio cu e pais mester a enfrenta. E tarea mas pisa tabata pa splica Aruba pakico e promesa di gobierno anterior cu Citgo lo percura pa cambio economico tabata falso.

Na final di 2019, Aruba ta na mesa cu Citgo pa termina e acuerdo di 2016 y ayera gobierno Wever-Croes a reuni cu mediador pa mira con ta exigi Citgo pa atende cu e problemanan di trahadonan di Citgo na Aruba.

Ayera DIARIO a wordo informa di un encuentro cu lo a tuma luga entre Ministro Presidente Evelyn Wever-Croes y e mediador di gobierno Anselmo Pontilius.

Topico di e reunion lo tabata e situacion di trahadonan di Citgo na Aruba, cu ta un preocupacion grandi pa gobierno di Aruba.

Den e acuerdo cu gobierno Mike Eman a firma cu e regimen di Nicolas Maduro y Citgo, no a tene na consideracion e problemanan serio cu por a presenta pa trahadonan di e compania cu nan a habri na Aruba y cu segun Mike de Meza tabata e “bon Citgo”.

Gobierno Wever-Croes mester a busca un solucion pa pone un fin na e incertidumbre cu Citgo a crea pa Aruba y cu a pone economia di e pais na riesgo grandi.

Na 2018 ainda Citgo den persona di Asdrubal Chavez a trata di tene Aruba rehen di e acuerdo cu a wordo firma cu Nicolas Maduro y difunto Nelson Martinez. E cambionan na Venezuela a haci cu grupo Nicolas Maduro mester a admiti na 2019 cu Citgo lo tin problema pa cumpli manera tur hende a adverti gobierno Mike Eman na 2016.

E gran perdedo den e proyecto Citgo tabata economia y situacion social na Aruba cu a biba te cu 2017 cu e speransa di un fantasia cu Prome Ministro Wever-Croes mester a termina.

Awe gobierno di Aruba ta busca un solucion pa yega na terminacion final di e acuerdo entre Aruba y Citgo na mesa di negociacion.

Citgo, awor dirigi pa grupo Juan Guaidó a priminti cu e ta debolbe Aruba e yabi di Citgo y cu e lo cumpli cu trahadonan y contratistanan.

Te awe trahadonan ta den suspenso y e acuerdo entre Aruba y Citgo no ta permiti gobierno intermedia directamente.

Prome Ministro Wever-Croes a asumi su responsabilidad como dirigente di e pais y lo a reuni cu mediado di Gobierno pa exigi Citgo pa respeta trahadonan di Aruba, cu mester haya e trato manera gobierno a palabra cu Citgo.

DIARIO ta sigui informa Aruba debidamente riba e acuerdo di Citgo, cu tabata e motibo cu futuro di Aruba a bira incertidumbre total den e aventura cu a cuminsa sin autorisacion legal di Parlamento di Aruba prome cu a firma.

Fuente: Con información de diario.aw

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

LEA...

 
LO + LEÍDO...

LO + LEÍDO...