martes, 10 de septiembre de 2019

Diario de Aruba: Con Koolman por a kere cu proyecto Citgo lo a wordo realisa?

Na augustus 2018, a base di informacionnan sumamente pisa cu DIARIO a ricibi, e proyecto Citgo a wordo completamente analisa cu luho di informacionnan nobo.
For di e momento nos a adverti pa e final di e “aventura” cu Aruba a wordo hinca aden mientras gobierno anterior tabata pone hende baila.
Algo sumamente serio a pasa cu Aruba cu a wordo presenta cu un proyecto di mil maraviya cu mester a scapa Aruba cu na 2016 tabata rumbo pa desastre.

Introduccion di e proyecto Citgo a kita atencion total for di e situacion financiero y economico di Aruba cu tur rapport di organonan oficial di estado a comenta.

IMF y Banco Central a elabora riba e situacion desastroso di e pais na 2015.

E proyecto Citgo a wordo negocia den un ambiente cu gobierno Mike Eman mester a scapa su mes di bira autor di e desgracia financiero di Aruba.

Awe DIARIO ta para riba su ponencianan for di prome ora cu nos a adverti Aruba na 2018 cu e pais ta bay enfrenta un caos cu Citgo.

Tur loke nos a trece dilanti, awe ta wordo confirma pa señor Alvin Koolman cu ta mustra riba tur loke DIARIO a trece dilanti riba e posibilidad pa e upgrader di Aruba wordo habri atrobe y funciona como loke ta yama “refineria”.

Pero berdad semper ta sali na cla y lamentablemente pa Aruba awe loke mester a pasa ta pasa.

Koolman a presenta un ponencia cu semper DIARIO a presenta y esaki ta, cu ni Lago, ni Coastal ni Valero cu tabata companianan den nan sapato a logra loke a bisa cu Citgo si lo a logra.

Awe cifranan di Koolman ta confirma nos ponencia cu Valero no por a keda Aruba sin perdida enorme cu ta contra tur ponencia.

Awor nos ta bolbe lansa nos pregunta. Con Koolman por a kere cu tur su experencia cu proyecto Citgo si lo tin futuro?

Ningun momento nos ta duda den capacidad y experencia di Koolman riba tereno di refineria. Ta hustamente debi na su conocemento nos ta haci e pregunta grandi aki pasobra nos no ta experto pero nos a dal martiu riba cabes di clabo na 2018 ora nos a bisa Aruba pa lubida Citgo.

Nos a cuestiona con un persona manera Mike de Meza cu conoce mundo di petroleo na Merca sigur, por a presenta e proyecto aki como gran salbacion economico di Aruba.

E historia di Citgo no tabata conoci pa Koolman y tur hende envolvi den e proyecto? Koolman no a realisa cu Nicolas Maduro for di prome momento no tabata tin 300 Miyon rekeri pa pone riba mesa?

Cu medida pisa di Merca lo a bini tabata conoci for di 2014 ora Barack Obama a introduci prome medidanan.

Pero pio cu medida, na 2016 Citgo a wordo completamente hipoteca dor di Nicolas Maduro cu a uza Citgo como su baca di lechi.

E carta di Koolman ta mustra cu ta como terminal e planta di Aruba tabata tin futuro. Awor con Koolman por a bira director di Refineria di Aruba si no ta trata di un refineria?

Nos ta contento cu e carta di Koolman a mira luz. Pasobra awor cu mas forsa cu nunca nos por lucha pa tur berdad di e proyecto bini dilanti pasobra nos ta insisti cu gobierno anterior a abusa di confiansa di Aruba cu un proyecto Citgo, cu a nace pa fracasa for di momento cu a sinta na mesa cu Nicolas Maduro!

Fuente: Con información de Diario de Aruba

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

 
LO + LEÍDO...

LO + LEÍDO...