jueves, 21 de febrero de 2019

(Arubai) Reunion cu CITGO na Merca a keda cancela pa motibo di mal tempo

Gobierno di Aruba a duna di conoce den e dianan aki cu nan a pidi un reunion cu CITGO na Merca pa asina solicita Gobierno di Merca pa elimina e sancionnan cu tin imponi pa asina por continua cu e trabaonan di upgrade di e refineria.
Relaciona cu esaki, Prome Minister Evelyn Wever-Croes a duna di conoce ayera den un conferencia di prensa extraordinario relaciona cu e ciere di frontera cu Venezuela cu e reunion aki a keda cancela.

E mandatario a bisa cu e reunion a wordo cancela pa motibo di e tormenta di sneu cu ta afectando entre otro Washington. Ayera mes no tabata tin scol y mayoria di actividad a keda cancela pa gobierno na Washington DC, a indica.

Asina cu e mal tempo pasa e reunion lo continua. A enfatiza cu gobierno a prepara mihor pa e reunion aki y nan puntonan pa e reunion aki ta pa lanta e sancionnan mas tanto cu ta posibel of parcialmente pa asina fase dos por wordo completa.

Fase tres, a señala, ta keda algo cu semper tabata den incertidumbre. Fase tres ta exigi e inversion di 450 miyon y por compronde cu no ta bay pidi pa lanta e sancion pa cu esey, pero CITGO mes nunca tabata hopi cla den esaki.

Fase dos ta parce concreto, tangible. “E refineria ta strategico no solamente pa Aruba, pero pa Venezuela tambe, a expresa.

Segun premier, esey ta e linea cu nan ta bay pidi Merca pa lanta e sancionnan “pa por lo menos pa esaki”

Fuente: Con información de Diario de Aruba

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

 
LO + LEÍDO...

LO + LEÍDO...