miércoles, 2 de enero de 2019

(Aruba) Companianan ta prepara pa guera contra Venezuela

Na 2018 e situacion financiero di Venezuela a afecta Aruba tambe. E proyecto fantasma di reapertura di refineria a tranca cu consecuencia serio pa Aruba cu no a conoce e crecemento cu 15 porciento cu gobierno Mike Eman a priminti. Cu pasonan cu Conoce Philips y Crystallex a tuma e problema internacional a bati na porta di Aruba. Na 2019 Venezuela por spera guera di parti di companianan cu e no ta paga y tin nan bista dirigi riba propiedadnan Venezolano den exterior.

E situacion ta preta pa Venezuela cu durante ultimo añanan a limita su mes na bisa cu e no por paga su debenan. E unico sumanan cu el a pone riba mesa ta mara na prestamonan cu el a haci haciendo uzo di CITGO como borg.

E companianan cu el a debe te cierto momento a duna continuacion na reclamo. Despues companianan a descubri cu tin posibilidad pa pone Venezuela lomba contra muraya legalmente.

Informacionnan internacional ta mustra cu Venezuela no por conta cu fiesta ta sigui.

Na final di 2018 un grupo di inversionista a uni y a exigi pago directo di e debenan. Otro grupo a pidi un abogado pa cuminsa atende cu e caso mientras otro compania a pidi Hues dicidi kico mester pasa pa e haya su placa.

E hecho cu companianan ta pura pa actua ta debi tambe na e fila di instancianan cu ta busca nan placa. Empresanan no kier cay atras den e buskeda di nan derechonan.

Informacionnan di Bloomberg ta bisa cu e companianan ta prepara pa guera. Te awor nan a carga e speransa cu lo a haya na un of otro forma pa restructura e negociacion. Awor nan a dicidi cu nan no tin nada di gana y cu nan ta bay guera loke ta encera cu nan lo busca formanan legal pa actua.

Pa Aruba esaki ta nifica cu strategianan comercial di 2018 por ripiti. Por confisca propiedad di PDVSA of Venezuela na Aruba y bista ta keda riba productonan petrolero presente na Aruba.

CITGO tambe ta haya tur atencion mientras Crystallex segun otro fuentenan no a bandona su plan pa bende CITGO of partinan di e empresa pa asina haya e placa cu e mester ricibi di Venezuela.

China y Venezuela ta e dos paisnan cu mas placa mester ricibi di Venezuela. Pa garantisa nan pago, e paisnan comunista ta intensiva actividadnan economico cu Venezuela.

A keda anuncia recientemente cu banda di e minanan di gas bou lama, Rusia lo bay maneha tambe mineria di oro na Venezuela cu no por bisa “no”.

Debe a dicidi pa Venezuela kico mester sosode.

Incertidumbre riba sector petrolero na Aruba a culmina na 2018. Teniendo cuenta cu e situacion petrolero mundial nobo, 2019 lo trece mas motibo pa haya claridad riba e posibilidad pa futuro.

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

 
LO + LEÍDO...

LO + LEÍDO...