jueves, 6 de diciembre de 2018

(Aruba) PDVSA no tin placa pa proyecto CITGO

Manera DIARIO a adverti ayera, Aruba mester ricibi un contesta di CITGO riba futuro di e proyecto na Aruba. Cifranan cu a ser publica den prensa internacional ta mustra cu Venezuela no tin placa pa tene su refinerianan na Venezuela den funcion. E mester a cumpra crudo pa tene e refineria na Curaçao y otro refinerianan den operacion. Reuters a publica informacion importante di PDVSA mientras cu hasta cremacion di restonan mortal ta un problema pa falta di produccion di gas.

Manera DIARIO a publica ayera, Rusia mester dicidi kico ta pasa cu futuro di CITGO. Cifranan cu Reuters a produci ayera ta motibo pa Aruba bati alarma grandi pa e proyecto refineria.

Nomber di CITGO ta aparece den e cifranan presenta den e articulo cu ta referi directamente na e refineria di Curaçao pa cual PDVSA mester a cumpra crudo pa mantene e planta den operacion.

Reuters a ricibi informacion di trahadonan cu a informa cu for di februari, PDVSA no tabata capaz pa paga un cargamento di petroleo cu el a cumpra cu placa.

E pais cu un di e reservanan mas grandi di mundo, mester paga e petroleo cu e ta importa cu productonan cu e tin manera asfalt.

CITGO na Merca ta un di e companianan cu ta entrega crudo na Venezuela mescos cu otro companianan petrolero y mercantil.

E cifranan di Reuters ta confirma cu na e momentonan aki sigur Venezuela no por inverti den proyectonan nobo pa refineria ya cu su propio refinerianan no ta funciona na maximo capacidad.

E situacion economico actual di Venezuela ta exigi actualmente mita di loke e pais tabatin mester na producto petrolero pero asina mes PDVSA mester aumenta importacion.

Pa loke ta trata e produccion di gas tambe tin problema serio manera ta aparece den otro publicacion di Reuters cu ta splica cu cremacion di restonan mortal tambe ta un problema pasobra no tin suficiente gas.

E situacion a bira mas dificil awor cu Merca y China a yega na un entendimento comercial nobo y Merca ta bay entrega producto petrolero na China, cu no ta ricibi di Venezuela e cantidad di producto petrolero acorda y awor a yega na un compromiso comercial cu Merca.

Ta spera cu awe ta bira conoci kico e encuentro entre Maduro y Rusia a produci y kico e lo nifica pa CITGO.

E unico forma cu e proyecto na Aruba por ser realisa ta, si Rusia bay di acuerdo pa duna su asistencia financiero loke lo nifica cu Rusia por exigi un participacion mas grandi of hasta un compra total di CITGO.

Informantenan a bisa DIARIO, cu Aruba mester dicidi kico ta pasa cu e proyecto di rehabilitacion di refineria awor cu tur cos ta indica cu a menos cu PDVSA bende, e no por ser realisa.

Aruba mester tuma un decision pa haya otro posibilidad pa e refineria y otro pilar economico pa evita cu turismo ta keda e unico pilar economico di e pais.

Fuente:  Con información de https://www.diario.aw

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

LEA...

 
LO + LEÍDO...

LO + LEÍDO...