martes, 11 de diciembre de 2018

(Aruba) CITGO ta skirbi historia den presupuesto 2019

Na momento cu Aruba duna inicio na tratamento di presupuesto 2019, e cifranan cu lo ser produci oficialmente como entrada y gastonan di Aruba otro aña lo skirbi historia. E presupuesto lo confirma pakico Aruba ta den crisis basa riba dos topico basico. Pago di e debe nacional pero tambe e resultado di e acuerdo cu gobierno anterior a firma cu CITGO, cu ta wordo beneficia cu benta di productonan petrolero na Aruba cu e acuerdo a kita for di Valero y entrega na CITGO. Durante tratamento di impuesto lo sali na cla con gobierno anterior a hinca Aruba den un carrousel financiero historico. Segun ley, no por cambia presupuesto sin mas.
Aruba ta bay duna inicio na tratamento di un presupuesto cu ta marca historia.  Na prome luga, te awe no ta conoci si CITGO lo dicidi cu e ta honra e acuerdo y establece su mes na Aruba.

Esaki tin como resultado cu mescos cu tabata e caso na 2018, na 2019 tampoco a inclui e proyecto CITCO den e cifranan.

Segun informacionnan cu a alcansa DIARIO, Gobierno no a ricibi reaccion di CITGO ni PDVSA di Venezuela riba e exigencia di Gobierno pa ser informa kico lo pasa cu e proyecto cu awor ta den su fase mas barata pa Venezuela cu lo a haya asistencia bancario pa pasa e fase di inspeccion.

Ta ser spera cu na 2019 Gobierno lo bay atende cu CITGO, cu ta Venezuela, cu aparentemente no tin ningun respet pa gobierno y Pueblo di Aruba y te awor no ta bisa si e ta bini of e no ta sigui cu e proyecto despues di fase dos.

Aruba sinembargo ta un pais di ley. E presupuesto di Aruba ta e cifranan cu Gobierno mester mantene otro aña. Gobierno sin mas no por bay cambia su cifranan sin aprobacion di Parlamento.

Prome Ministro Wever-Croes a dicidi pa un situacion den cual no ta pone CITGO atrobe riba presupuesto.  Esaki ta evita cu si CITGO no sigui cu e proyecto mester baha gastonan mas y e ora mester di presupuesto adicional cu Parlamento lo mester aproba.

Si CITGO bini cu e proyecto cu actualmente ta contra tur pronostico realistico, lo por describi e entrada adicional como entrada extra cu ta mas facil pa maneha.

Un presupuesto sumamente dudoso ta marca historia na December 2018, un aña di crisis pa Aruba, mientras CITGO si tabata tin bon entrada pasobra den e acuerdo a kita e mercado di productonan  petrolero pa mercado local for di Valero y entrega nan na CITGO.

CITGO TA PAGA HUR MENSUAL? 

Mientras Aruba ta den crisis, CITGO cu ta Venezuela, ta ser beneficia cu entrada constante na Aruba caminda e ta entrega su productonan a mercado local y aeropuerto entre otro.

Esaki tin influencia den presupuesto pero no ta alcansa ni lo minimo di loke CITGO mester a nifica pa Aruba como entrada na belasting riba su actividadnan

Durante tratamento di presupuesto, mester bira conoci tambe si CITGO ta paga su huur manera acorda den e acuerdo, cu te awor a beneficia CITGO mientras Aruba a ser hinca den un crisis total.

E cantidad di entrada cu Aruba mester tabata tin na belasting na e momento aki no a ser cristalisa y te ainda no ta conoci cuanto e diferente belastingnan cu CITGO mester paga lo ta Aruba.

Tampoco por a inclui den presupuesto tur e otro entradanan cu Gobierno tabata tin indirectamente cu entrada di CITGO.

En todo caso nan lo iguala belasting cu Valero tabata paga prome cu kita e mercado for di Valero pa entrega esaki na CITGO. Pues pa Aruba no tin ningun beneficio.

Si Presupuesto mester duna garantia pa e entrada y gastonan cu un pais mester spera, e situacion di CITGO ta percura e aña aki e cifranan no tin garantia di realidad pasobra CITGO no a duna Aruba ni e honor di bisa kico su plannan pa futuro ta.

Di e forma aki e base legal di un presupuesto ta tambalia pasobra loke mester bira of ta e pilar economico di e pais, no por bisa kico por spera na 2019.

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

 
LO + LEÍDO...

LO + LEÍDO...