martes, 27 de noviembre de 2018

(Aruba) CITGO a scapa di benta na December

Por spera cu e siman aki Aruba mester haya informacion riba e proyecto refineria cu garantia fiho pa cumplimento di e resto di garantia. Manera DIARIO a spierta, CITGO, PDVSA y Venezuela no por haci nada riba nan mes. Fin di siman e poder di Rostneft den CITGO a bira evidente ora Rostnef a bolbe bishita Venezuela na momento cu e pais mester a paga Crystallex cu tabata termina preparacion pa bende propiedadnan di CITGO na Merca.

Benta di CITGO tabata ser regla despues cu un Hues di Maryland a duna Crystallex permiso pa confisca parti di CITGO. E benta a tarda pasobra mester a stipula ki parti di CITGO lo a bende pa e compania haya su placa.

Sinembargo tabata conoci cu e benta lo tuma luga na December a menos cu Venezuela paga e suma cu el a acorda cu e lo paga awor pa despues pone resto di e placa riba mesa. Ademas e mester duna Crystallex un borg nobo.

Tabata conoci cu Venezuela no tin placa pero cu e lo a busca un forma pa evita cu ta bende CITGO. Segun informacion durante siman pasa CITGO a scapa a base di e mes formula cu a aplica ora na October Venezuela casi a perde e propiedad.

Fin di October e situacion di CITGO tabata desastroso ora mester a paga prestamonan cu a ser haci te un suma di 1.6 Biyon. Te ultimo momento Venezuela no a paga. CITGO a scapa ora e pago a tuma luga na momento cu ehecutivonan Ruso a bishita Venezuela supuestamente pa duna asistencia den e administracion financiero di Venezuela

Siman pasa CITGO tabata confronta otro momento decisivo mientras Hues na Maryland tabata prepara pa benta di CITGO a base di e caso cu Crystallex a gana pa pago di su debe.

Cu pago di e suma cu mester a paga prome cu benta di CITGO, a evita cu e compania a cambia di doño. Esaki lo tabata un problema tambe pa e compania Ruso Rosneft, cu tin 49.1 porciento di e compania como borg.

E compania Ruso atrobe fin di siman pasa a bay Venezuela y atrobe durante su bishita na Venezuela, a paga e debe y a logra evita cu a bende CITGO na inicio di december.

Problemanan no a termina pasobra tin mas placa pa paga si Venezuela kier keda cu CITGO.

Tur informacion di ultimo dianan ta mustra cu na e momento crucial pa CITGO, Rusia a pone cuchiu na garganta di Venezuela.

E debe di Venezuela y e falta di cumplimento di Venezuela pa loke ta trata pago, ta loke Rostnef a bay atende cu Gobierno Venezolano.

Rusia a bira un di e poco paisnan cu ta facilita Venezuela placa for di 2006. E debe ta wordo paga cu entrega di petroleo.

E dirigente di Rostnef, Sechin, a yega cu un delegacion pisa Venezuela, pa reclama cu e pais no ta cumpli cu entrega di producto manera mester ta.

E compania Ruso a mustra cu Venezuela ta cumpli miho cu China, cu e ta haci cu Venezuela.

Rusia pues ta exigi pago di su debenan di parti di Venezuela.

Riba plataforma internacional ta tene cuenta cu Rusia por exigi mas participacion directo den CITGO si e no ricibi su placa.

E debe cu Venezuela tin cerca Rusia, a haci cu Venezuela mester a entrega Rusia cantidad di propiedad rond mundo como borg pa pago atrasa di su debe.

Tur bista ta dirigi riba companianan Mericano cu kier haya CITGO, pero e compania cu mas facilidad pa bira doño total di CITGO ta keda Rostnef. Awor cu a paga Crystallex e posibilidad pa otro compania confisca parti di CITGO, ta habri atrobe y Rosnef lo por actua prome.

No ta descarta cu Rostnef lo exigi pa e haya un borg mas grandi cu lo nifica mas poder den CITGO como partner mayoritario.

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

 
LO + LEÍDO...

LO + LEÍDO...