martes, 10 de julio de 2018

(Aruba) Boto Venezolano a baha ilegalnan marduga na Daimari

Diasabra marduga un biaha mas un boto a baha un cantidad di illegal y kizas otro cosnan ilegal na Costa. Esaki tabata banda di Daimari. Personal di Kust Surveillance durante nan controlnan na costa a bin topa cu e boto El Bendavap di Las Piedras, su so bandona na e boca.

Esaki tabata alrededor di 1or di marduga. A avisa rapidamente di loke a wordo mira. No a topa cu hende pero a pidi pa manda mas unidad pa e area pa mira si por topa cu hende canando. Polisnan di entre otro Santa Cruz a bay rapidamente pa e area di Daimari.

No a topa cu ningun alma. Loke si a constata tabata stapnan di hende y ta sospecha cu tabata tin tambe Quad Racer envolvi pa yuda hendenan di huy. Te oranan laat casi mainta a keda atento. No ta conoci ki ora e boto a drenta. Kizas e por a drenta trempan of oranan laat di diabierna anochi prome cu a topa cune banda di 1or di marduga diasabra.

Ningun caminda a haya melding di Kustwacht tampoco di cualkier señal di e radar pa e unidad riba lama por a haci su atake mesora.

Den oranan di mainta solo a sali y e boto tabata su so riba e beach banda di Daimari. Cu varios tanki di gasolin y motor di 75 HP pega na dje. Dimes mainta tin hende ta cana na costa y a topa tambe cu e boto. Polis a wordo yama cu urgencia pasobra tin hende cu tabata bezig ta los motor di e boto El Bendavap.


Unidad di Santa Cruz a bay y yega rapidamente na e sitio. E boto ta uno tipo peñero.

Polis di Santa Cruz a keda riba sero na Daimari ta vigila e boto pa ningun hende yega na dje. Recherche di Narcotica tambe a bay na e boto. Kustwacht su personal tambe a wordo avisa.

Ta sospecha cu e boto a trece cargamento di droga tambe y esaki a bay basta rapido.

A keda confirma cu e capitan sa precies con pa yega na cierto area sin cu e ta wordo descubri. Den e caso mes ningun alma tabata sa cu e boto a yega te cu tur hende a disparce. Nos costanan ta keda habri den cierto area y hasta cierto punto tin entradanan unda radar keto bay no ta captando.

Un investigacion ta andando pa mira si por haya sa kende precies a bin Aruba y kico nan a trece den nan viahe. E por ta cantidad di ilegal, droga y tambe arma manera den pasado.

Fuente: https://www.diario.aw

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

LEA...

 
LO + LEÍDO...

LO + LEÍDO...