lunes, 9 de abril de 2018

Hulanda a informa Aruba y Corsou di acuerdo via sms (+Venezuela)

E biahe di Minister Stef Blok pa Caracas, Venezuela, tabata secreto. El a biaha for di Aruba pa Colombia y prome cu bay Hulanda el a pasa Venezuela, ora e tabata sigur cu e acuerdo tabata cla pa firma. Kico tur e acuerdo nobo ta contene, no ta conoci ainda. El a bisa si di a manda un SMS pa tanto Prome Minister di Aruba como esun di Corsou ora el a caba di firm’e y ambos tabata masha contento. E tabata consciente di e importancia pa habri e frontera bek, specialmente pa e islanan ABC cu toch ta depende di Venezuela pa varios asunto. E mandatario a yega aeropuerto di Rotterdam den un avion Gulfstream di Marina Real Hulandes. El a bisa di ta masha satisfecho cu e reunion y acuerdo cera na Caracas, pero di no por divulga mucho ainda. E acuerdo ta den liñanan grandi, pero cu awor e comision tecnico, forma pa Hulanda, Venezuela y e islanan ABC lo mester duna contenido real na e acuerdo.


Por bisa cu den liñanan grandi e dos paisnan, Reino Hulandes y Hulanda, a acorda di lo traha duro pa lucha contra contrabanda di productonan y hende. Y cu na ambos banda di lama lo tin extra control y cu e autoridadnan entre e paisnan lo traha hopi mas estrecho cu otro.

Ta nota cu pa logra e acuerdo, e rol di Aruba y Corsou tabata minimal of kisas nada. Pero prome di bay Venezuela, e mandatario a combersa cu ambos Gobierno pa ta sigur di e necesidad y urgencia pa habri e frontera bek.

Por corda cu Venezuela tabatin dos demanda riba mesa, desde cu no a logra firma e acuerdo di dia 12 di januari ultimo. E prome ta cu Hulanda lo distancia di e medidanan cu Union Europeo a implementa contra Venezuela. E di dos demanda ta cu Hulanda lo respeta e resultado di eleccion na Venezuela. Den ambos caso Hulanda a contesta cu ta dificil.

Kico Hulanda a entrega awo pa por a logra cera e acuerdo, ainda no ta conoci. Aki sea Hulanda a doblega pa e demandanan di Venezuela of Venezuela a haye ta doblega pa e presion Hulandes, sino lo stop inversion Hulandes den e pais y kisas hasta blokia e proyecto di CITGO cu ta asina importante pa e Gobierno Bolivariana di Venezuela.

Fuente: http://24ora.com

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

LEA...

 
LO + LEÍDO...

LO + LEÍDO...