(Aruba) Mediador ta mira cu Citgo ta cancelando trabao cu Contratistanan local

E caso di Refineria Citgo actualmente ta motibo di cierto confusion den comunidad, unda cu na cuminsamento na un banda Citgo a bisa cu nan lo slow down, pero di e otro banda tur cos ta indica cu ta trata aki di un cancelacion di e contract cu contratistanan local. Mediador di gobierno, Sr. Anselmo Pontilius, a duna e ultimo informacion ariba tereno laboral cu e situacion aki.

Mayoria di contratistanan envolvi tabata presente y cada un di nan tabata expresa nan preocupacion, cual tabata e idea di e reunion, pa scucha nan. Entro otro, scucha no solamente nan preocupacion, cu si ta sigui, con ta bay sigui. Tin algun punto urgente, manera debenan habri.

E companianan tin cu haya pago pa loke ta trabaonan haci caba y nan a splica di algun practicanan cu ta abnormal den mundo di negoshi, cual ta pone cu companianan tin problemanan serio.

Ademas, companianan cu ya a haya e situacion siman pasa, cu nan trahadonan no por drenta traha. Ta hopi cla cu dificilmente pa e companianan aki nan por sigui tene trahadornan na trabao ariba nan gastonan, sin nan sa kico ta nan futuro. Pero e recomendacion un biaha mas, pa haya e ehecutivonan di Citgo mas lihe cu ta posibel na mesa, hunto cu Refineria di Aruba, y eventualmente sindicatonan pa sa con ta bay sigui.
Sr. Boy Anthony, di parti di IOWUA nan a splica cu ta improtante pa tur hende sa con ta bay sigui den un situacion caminda cu a slow down. Na final ta worde menciona cu e rason ta cu no por haya e fondonan necesario, debi na e embargo financiero cu tin. Dificilmente por haya e banconan coopera pa yuda den esey.

E ta un situacion basta complica y minister di Labor, sr. Glenbert Croes, a informa cu e ta spera di por bolbe back na mesa mas pronto posibel pa informa nan, kico ta e ultimo despues cu gobierno reuni cu ehecutivonan di Citgo.

Sr. Pontilius a sali for di e putno di bista, cu si slow down ta paso cu no tin tanto trabao pa tanto hende, consecuentemente e ehecutivonan di Citgo a declara cu casi 50% di e trahadonan mester bay.

Cada trahado cu bay afo, ta uno di mas. Cu nan ta slow down, ta paso nan tin trabao, pero no suficiente. Nan ta spera cu den e proximo lunanan nan por recupera e trabaonan den su fase completo.

Akinan lo tin un cantidad di particularidadnan cu mediador y gobierno no ta domina den su totalidad pa loke ta trata di parti legal, pa lo cual gobierno a laga e trabao aki den un forma corecto den man di huristanan expertonan pa haci un analisis profundo di e contract, pa wak kico lo ta e responsabilidad di CITGO y finalmente percura pa cumpli cu e periodo cu a worde acorda pa refineria lo por drenta den funcionamiento.

Sr. Anselmo Pontilius a conclui unda el a bisa nuevamente cu ta compronde e situacion actual pa contratistanan cu lo ta den e proyecto aki cu e consecuencia financiero ta alarmante pa e trahdo y e ta un problema serio cu lo ta afecta sigur henter Aruba su situacion socio-economico tambe y ta hopi importante pa gobierno por haya mas lihe cu ta posibel un claridad di parti di CITGO y por traha hunto pa percura pa tin claridad y pa futuro.

Den caso cu nan no a logra satisfactoriamente e reactivacion di e refineria, lo mester tin un clausula den e contract, unda cu ante algun daño ocasiona of kibra e contract e ora a contempla cu posiblemente Citgo lo mester paga cantidad di 150 miyon Dollar. Pero mediador di gobierno, Sr. Pontilius no tin e documento den man, pa cual e no por duna un contesta fiho.

Gobierno lo prefera di pensa cu Citgo cu lo ta un consorcio basta grandi y cu cantidad di recursonan na Merca, caminda cu nan lo mester por a sali for di e situacion den cual nan por logra haya financiamento, segun Sr. Anselmo Pontilius, mediador di gobierno.

Fuente: https://www.diario.aw