viernes, 24 de junio de 2016

(Aruba) Citgo Desk pronto lo habri su portanan den curason di San Nicolaas

Diaranson mainta Minister Paul Croes tabata tin e placer di bishita e curason di San Nicolaaas caminda pronto Citgo Desk lo habri su portanan. Aki ta papia di e edificio caminda antes DOOV tabata situa y cu den corto tempo lo ta e edificio cu lo sirbi e.o. e refineria di aruba, tambe e miniserio di ecomonia y energia cu lo ubica un departamento akiden y tambe departamento di labor.
Na e momentonan aki kier haci tur esfuerso pa yuda tur nos propio hendenan cu tin un of otro experticio pa traha den un refineria pa yega mas lihe na un empleo y ta convenci cu por medio di e Citgo Desk por haya un bista mas amplio riba e interes y e necesidad di esaki pa asina por yuda mas hopi persona posibel.

Aunke cu enberdad na final Citgo lo ta e compania empleando e trahadornan, Gobierno di Aruba di su parti, por duna un conseho y recomendacion na e refineria pa mira e cvnan di e Arubianonan cu ta buscando trabao.

Minister Paul Croes ya caba a duna di conoce cu por mira un entusiasimo hopi grandi riba e Mercado laboral pa cu e refineria. Esaki sinembargo ta trece cune cu ta premira caba cu lo tin algun aspecto cu lo mester bay tene na cuenta. Bisando esaki e Minister en cuestion ta conciente cu door di e entusiasmo asina grandi ta premira cu esaki lo saca trahadornan di otro sectornan y cu lo kier bin traha pariba den e refineria.

Pero mirando e posibilidad aki Minister di Labor a aclarea cu ta preparando un maneho pa por atende cu esaki tambe pa asina keda cu un balansa den e Mercado laboral. Banda di esaki e mandatario ta reconoce cu aunke kizas e edificio di DOOV lo mester worde restaura, ta pensa cu esaki ta e mihor lugar pa ubica e Citgo Desk como cu e lo ta accesibel pa comuidad henter, caminda e pueblo por acudi y rentrega nan curiculo y solicitud den esoera di un resultado posiitivo di e refineria.

Pa finalisa Minister Croes ta pone enfasis cu esaki ta un esfuerso di parti gobierno di aruba pa den un forma serio por atende tur e peticionnan cu ta bay tin . Banda di esaki kier haci un yamada na pueblo henter pa mientras cu ta den espera cu e edificio di DOOV den curason di San Nicolaas ta keda cla por manda bo curriculum ya caba atraves di e email ya caba na cginfodesk@arubagovernment.aw


Fuente:  http://www.diario.aw

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

 
LO + LEÍDO...

LO + LEÍDO...