(Aruba) Homber G deteni ta bira di seis detencion

E detencionnan den e caso di Atraco Arma riba Excelsior Casino a bira un total di seis. E homber G a keda deteni tambe dialuna merdia banda di Mira Mar Rumshop.

Awor aki cu e detencion aki por bisa cu tin dos homber local fam A y G y tambe tres Venezolano cu ta e atracadornan y tambe e muher Colombiana cu su amante mes a logra huy bandona Aruba.

Loke ta resalta den henter e caso aki ta e placa. Mientras cu Casino ta bisa di a perde un suma cuantioso y duna autoridad e suma, tin tambe e declaracion di e atracadornan mes cu tambe a menciona e suma cu nan a horta. Parce e sumanan aki no ta cuadra. Un cos ta sigur, e suma di un miyon ta un suma no real. Esun cu papia di e suma ey ta papiando algo incorecto.

Na Venezuela mientrastanto tin basta informacion cu ta saliendo rond riba e caso aki. Nan tin cierto detaye cual hopi ta corecto. Tur cos ta mustra cu despues cu e suma a wordo scondi of saca for di Aruba, e atracadornan cu no tabata tin mas salida a dicidi di entrega nan mes ora cu nan a ripara cu nan ta totalmente rondona pa autoridad. Awor nan lo sinta nan castigo y djey kizas sali y nan placa tey.

Di otro banda medionan Venezolano a laga sa cu e placa tabata destina pa un pago pendiente relaciona cu crimen na Venezuela.

Fuente: http://www.diario.aw