jueves, 27 de agosto de 2015

Aruba ta pasando den momentonan hopi tenso

Segun Partido MEP, e malcontento di ciudadanonan di nos pais ta worde sinti tur caminda. Tur cos a bira caro, mientras cu e gobierno aki a priminti di elimina BBO.

Hopi famia ta bibando den pobreza. Nos grandinan no ta hayando e cuido cu nan mester haya, y tampoco e cuido di salud. Aruba a para bira un pais masha insigur, y ni con duro e miembronan di nos Cuerpo Policial actua, e decadencia di e ultimo 6 añanan, ta worde sinti tur caminda. Nos muchanan ta hayando ensenjansa bou di condicionnan y calidad inferior, apesar cu e docentenan ta haci nan maximo esfuerzo. Hopi ex studiante no por paga nan debe di estudio back. Y e edad di hobennan adicto na droga ta birando cada biaha menos.


Y den tur e problemanan social aki, nos tin un gobierno cu a perde tur clase di credibilidad. Un gobierno cu a gana eleccion cu promesanan falso, promesanan cu e tabata sa cu e no por cumpli cu nan. Un gobierno cu a tuma decisionnan politico y asina a hinca nos pais den decadencia financiero. Un prome minister cu ta lucha deseperadamente pa laga un legado cu no ta di un lunatico, pero ta mira tur su esfuersonan bay perdi.

E gobierno aki no por saca nos di e desastre financiero cu nan a hinca nos pais aden. Nan no tin ni e minimo intencion di sanea e situacion financiero, y si nan tabata kier mes, nan no por. Nan a demostra esey caba den e ultimo 6 añanan aki. Y kico e resultado ta? Mientras nan tabata yena nan saconan, nan a redobla debe di nos pais. Nan a hipoteca futuro di nos yiunan y nan yiunan.

Y ainda nan tin e pen den nan man pa sigui endeuda nos pais. Y nan a demostra caba cu nan lo no stop, pasobra apesar cu tin CFT, toch nan a sigui cu e Green Corridor, nan a sigui cu e Green Conference , nan ta sigui cu 9 minister, nan ta sigui biaha y sigui fiesta.

Esaki tin e pueblo fada, harta y rabia. Esaki a pone hopi ciudadano bira lomba pa e gobierno aki. Na e alturanan aki nan no sa kico nan tin na e gobierno aki cu tin un lunático na cabes.

Aruba ta pasando den momentonan hopi tenso, pueblo ta lantando, cosnan ta rebolteando. Y e gobierno no ta haciendo nada pa calma e situacion, es mas, e único reacción di e minister presidente ta pa agita y instiga su hendenan pa busca problema.

Aruba, kico lo keda di bo, despues di e tempestad cu yama Gabinete Mike Eman? Dios spaar nos.

Fuente: http://www.diario.aw

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

 
LO + LEÍDO...

LO + LEÍDO...