miércoles, 5 de junio de 2019

Diario de Aruba: Citgo Aruba tambe ta parti investigacion

Despues di e prome informacion cu Husticia Mericano a dagvaard Citgo, DIARIO den forma di primicia online a informa Aruba di e desaroyo. Na forma rapido e informacion a captura atencion internacional algun dia despues cu a wordo anuncia cu Citgo lo ta interesa di keda partner di Aruba.

Pa Aruba ta sumamente importante pa comprende cu Citgo Aruba ta parti di e totalidad di Citgo y cu personanan cu tabata motibo pa e investigacion hudicial den Citgo, tabata partner di negociacion pero tambe di realisacion di e proyecto na Aruba.

Mundo internacional di financia tabata tuma nota di e desaroyonan den e compania Venezolano cu a duna mas motibo pa nan duda den seriedad di pais y gobernacion di Aruba, segun informantenan cu DIARIO a acerca ayera.

Pa basta tempo nan a duna e conseho na DIARIO, manera a wordo publica na varios ocasion, tabata pa miho Aruba pone un fin na e relacion cu Citgo cu nunca e pais no mester a crea. For di momento cu a bira conoci cu gobierno Mike Eman a firma e acuerdo cu Nicolas Maduro, mundo di inversion internacional tabata tin hopi duda den e proyecto.

Ayera Citgo mes tambe a reconoce cu e situacion ta hopi preocupante. For di momento cu Husticia a dagvaard e compania, nan a laga un experto investiga documentonan di e periodo den cual un comerciante lo a haya facilidad pa haci loke e kier den Citgo a cambio di mas cu 600 Miyon Dollar, segun e presidente di Citgo a bisa.

Gerencia nobo di Citgo a informa su empleadonan cu a dagvaard Citgo dos siman pasa, pues den mes tempo cu noticianan tabata bisa cu Citgo ta interesa pa sigui cu negoshi cu Aruba. DIARIO a publica e informacion di e interes di Citgo cu hopi reserva pa su lectornan, ya cu tambe DIARIO a publica di e caso di e comerciante Gonzalez cu a admiti corupcion cu Citgo pa medio di miembro halto di gerencia na 2012 y 2013.

Segun informantenan cu a percura pa DIARIO por a informa Aruba for di un aña pasa di tur e sucesonan cu awor lamentablemente Aruba ta bira victima, mester yega un fin na e proyecto cu a introduci na 2016 na Aruba.

For di prome momento nomber di Aruba tabata rondona cu duda riba plataforma internacional debi na e parti financiero y economico. Despues cu acusacionnan criminal a cuminsa aumenta na cantidad, e seriedad di Aruba pa atrae inversionista ta mas na duda.

Mientrastanto un medida cu mester tuma awor ta encera pa yega na un solucion pa e mercado di combustibel cu tambe a saca for di man di Valero y entrega na Citgo. Por bisa cu no tin acuerdo mas cu Citgo, pero si ta permiti pa e alma di economia di Aruba keda den man di e compania cu mester a ricibi petroleo y gas di PDVSA cu no tin ni pa Venezuela mes.

Esaki semper y cuando Husticia di Merca permiti ya cu e ta parti di e totalidad di e negoshi di Citgo.

Informantenan di DIARIO mas cu nunca ta kere cu Citgo tabata e desgracia economico mas grandi cu Aruba a conoce y cu mester pone un fin na e proyecto aki. Mester tene cuenta cu Aruba por ta parti di e investigacion debi na e placa cu a circula entre Aruba, Merca y Venezuela pa medio di Citgo y relacionnan cu tabata tin entre Aruba y Citgo.

Un situacion hopi penoso por ta resultado di ultimo desaroyonan pa Aruba cu lo forma parti di e investigacion internacional. Segun informantenan mescos cu Citgo mes a start su investigacion, na Aruba tambe mester duna inicio na un investigacion.

Fuente: Con información de Diario de Aruba

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

 
LO + LEÍDO...

LO + LEÍDO...