jueves, 6 de junio de 2019

Diario de Aruba: Caso contra Citgo ta revela un bestro criminal


Den tur publicacion di DIARIO, continuamente referencia a wordo haci na e relacion cu tabata tin entre PDVSA/CITGO y mundo criminal.
For di e prome informacionnan presenta na pueblo di Aruba den cuadro di e proyecto di rehabilitacion di e instalacionnan di loke ta yama pero no ta refineria na San Nicolas, DIARIO a mustra cu Gobierno Mike Eman no a realisa investigacion necesario den Citgo, PDVSA y regimen Nicolas Maduro prome cu sin aprobacion di Parlamento el a firma un acuerdo.
E investigacionnan di DIARIO awe ta culmina den un crisis mundial pero tambe persecucion penal mundial contra e regimen di Nicolas Maduro.

For di momento cu Citgo a subi scenario di Aruba, el a wordo kita for di atencion na momento cu tur atencion mester tabata riba e compania, cu ta parti di persecucion penal pa investigacion criminal na paisnan liber for di prome cu Aruba a cuminsa cu e negociacionnan.

Awe Husticia di Merca a dagvaard Citgo mes pero na mes momento Husticia na Merca ta wordo confronta cu un caso cu ta duna tur bista riba loke por yama e bestro di PDVSA y Citgo na Merca.

DIARIO  a sigui busca informacion riba un caso cu nos a presenta luna pasa, ora Marisol Gomez a presenta un demanda pa Un Miyon Dollar contra Citgo debi na e hecho cu Nelson Martinez difunto, cu tabata encabeza gerencia di Citgo, a dune su reitro pasobra e no kier a sostene y participa den trabou sushi den Citgo.

Mientras DIARIO tabata investiga e caso aki, Departamento di Husticia di Merca mes a dagvaard Citgo cu awor tin un gerencia nobo di Juan Guaidó, cu a bisa cu nan lo coopera cu Husticia Mericano.

E caso nobo no por a kita atencion den e investigacion di DIARIO, cu a bin descubri cu aparentemente tabata tin un relacion mas profundo entre regimen Nicolas Maduro y e persona cu awor ta hiba Citgo Hues y ta acusa e compania di sushedad grandi.

E informacionnan cu tin den e caso entrega na Corte na Merca ta basa, manera DIARIO a yega di publica, riba acusacionnan di Gomez cu e mester yuda Citgo duna trato preferencial pues comete actonan di corupcion na beneficio di personanan acusa di traficacion di droga.

Ademas di tur caso di labamento di placa y corupcion den Citgo awor e caso ta duna un bista riba e aspecto di relacion cu mundo di droga. E documentonan cu DIARIO a studia y awe ta presenta na Aruba ta duna bista den un bestro y no un empresa cu cual Aruba a cera un acuerdo pa rehabilita e refineria cu mester a fracasa pa mas cu un motibo.

Gomez segun e documentonan a cuminsa traha na 1989 na Citgo y a traha 25 aña pa e compania. Na November 2014, tempo di Nicolas Maduro, el a bira Vice Presidente encarga cu asuntonan di personal di Citgo. E tabata disfruta di un salario di 431.500 (pues casi mey Miyon) Dollar anualmente.

Segun e caso, el a nenga di comete actonan contra Ley segun instruccion di Martinez, cu e ta acusa di tabata ricibi comision, pues placa, pa haci trabou sushi contra interes di PDVSA y Citgo. ->>Vea más...

Fuente: Con información de Diario de Aruba

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

 
LO + LEÍDO...

LO + LEÍDO...