viernes, 22 de febrero de 2019

(Curazao) Kliente na Kòrsou sentral den frismentu di kuentanan ruso di PDVSA

Ta konosí ku Petroleos de Venezuela SA a sera un akuerdo ku bankonan ruso pa salbaguardiá produkshon di nan krudo. Di e forma aki, PDVSA na Kòrsou, a outorisá benta i produkshon di tur krudo relashoná ku nan struktura, inkluso esun di Nynas di wòrdu representá den un tersera parti pa bankonan ruso.
E interes mas grandi di PDVSA den Refineria Isla ta e kompania Nynas AB. Neste Oil AB ku PDV Europe BV ta doñonan di Nynas i Nynas ta kumpra produkto dirèkt for di Refineria Isla BV via di PDVSA. PDV Europe BV ta un kompania supsidiario di PDVSA. Nynas, komo kompania yu di PDV Europe ta suministrado di Oropa pa produktonan krudo. PDVSA ta uza e refineria di Kòrsou pa entrega Nynas produktonan krudo. E dos úniko kompanianan ku Isla ta drai riba dje ta Nynas pa mayoria parti i tambe Curoil.

Ademas di e refineria na Kòrsou, Nynas ta traha tambe ku un refineria na Antwerpen miéntras e tin den su bolsa dos otro refineria den kua unu na Harburg. Pero mayoria parti di e krudo pa Nynas ta bini fo’i nos refineria via di  PDVSA Petroleo SA kual ta un supsidiario di Petroleos de Venezuela SA., kual último te kompania ku mayoria akshon den PDV Europe BV. PDV Europe ta registrá na Hulanda.

Awor ku Nynas AB indirektamente ta wòrdu garantisá pa bankonan ruso, ta di vital importansha pa e refineria di Kòrsou sigui drai i entregá na Nynas. I tambe ta komprendibel dikon sea konsiente òf inkonsiente PDVSA a tene Nynas skondí pa hopi aña.  For di e interesnan grandi skondí tras di Nynas, a yega tempu pa gobièrnu realisá ku ta Nynas ta mas importante pa PDVSA. E fluho di krudo semi rafiná for di PDVSA via Kòrsou pa Oropa, ta sosodé via di Nynas ku ta e kliente mas grandi di PDVSA na Kòrsou. Ta komprendibel awor ta dikon, e banko finansiadó Gazprombank di Russia a opta pa fris tur kuenta bankario di PDVSA.

Gobièrnu di Kòrsou i konseheronan di Rhuggenaath ta hunga ku bida di pueblo
Punda—Konseheronan di Promé Minister Eugene Rhuggenaath huntu ku gobièrnu di Kòrsou ta hungando ku bida di yu di Kòrsou. Esaki ta lokual por a konkluí ku despues  di e reunion públiko, unda promé minister a tene un diskurso alegando ku ta “Kòrsou ta determiná” kon e ayudo ta tuma lugá. Esaki ta un mentira flagrante, unda hasta parlamento di Kòrsou a partisipá aden.

Na promé lugá, Kòrsou lo no tin outoridat pa kontrolá ni tampoko vigilá niun avion militar estado unidense ku aterisá riba plataforma na Hato. Di e forma aki, “Kòrsou no ta determiná nèt nada”, pa lokual ta trata e ayudo humanitario proponé pa gobièrnu di Estádos Unídos. Duana en todo kaso, lo no kontrolá nada riba e avion nan. Esaki ta nifiká ku nos gobièrnu simplemente mester sinta wak kiko ta hiba i trese Venezuela via di Colombia. Ademas ta bon pa realisá ku e base di FOL na Hato, NO ta un base militar definí komo teritorio estado unidense, manera hopi ta pensa na Kòrsou. E diskurso di Rhuggenaath den parlamento, tabata simplemente desepshonante i dirigí mas tantu riba atversario nan polítiko i sindikal, ku kisas intenshon di drenta gobièrnu sin un partido polítiko. Eugene huntu ku su konsehero nan mester realisá ku e situashon entre Venezuela i Kòrsou ta unu delikado i no ta “zomaar” por aseptá pa Kòrsou bira un sentro logístiko, sin konsiderá e kanalnan ofishal manera Nashon Uni, kual organisashon tin mas di 8 instituto trahando na Venezuela kaba huntu ku World Food Programme. Un presentashon debil i suak di Promé Minister Rhuggenaath.

Fuente: Con información de Vigilante Korsou

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

LEA...

 
LO + LEÍDO...

LO + LEÍDO...