martes, 15 de enero de 2019

(Aruba) Ley mester inclui sancion contra acuerdo cu CITGO


Con un gobierno por celebra introduccion di un acuerdo cu directamente tabata encera peligernan grandi pa Aruba? Tur aspecto di e acuerdo cu gabinete Mike Eman a firma cu Nicolas Maduro, ta muestra di un acto cu a bira un misil contra bienestar di Aruba. Ley mester inclui sancion directo contra gobernantenan cu a pone tur advertencia y Parlamento un banda, pa firma un acuerdo cu nan mester tabata sa cu lo destrui Aruba. Segun informacion experto, Parlamento mester atende loke a pasa y e desaster cu el a ocasiona pa Aruba. Mester cera porta pa ripiticion den futuro.

Mentira tras mentira a ser presenta na pueblo na 2015 y 2016 ora gabinete Mike Eman a atende y firma e acuerdo pa CITGO na Aruba cu regimen di Nicolas Maduro.

DIARIO a consulta expertonan riba tereno constitucional, legal, comercial local y internacional riba e proceso cu a hiba pa firma e acuerdo contra reglanan constitucional y contra reglanan oficial di e responsabilidad di Parlamento den acuerdonan pa e pais.

Un punto cu continuamente ta bin dilanti ta, pakico gabinete Mike Eman no tabata kier pa Parlamento y asina directamente pueblo y tur instancia di Aruba haya informacion corecto riba e proyecto cu mester a bira pilar economico di e pais.

Expertonan constitucional ta sigui mustra cu hamas por a mara e pais na un acuerdo sin aprobacion respalda pa conocemento profundo di parlamento di loke e lo a encera pa Aruba. Parlamento mester a revisa e documentonan sigur den un situacion manera ya mundo tabata conoce cu e regimen controversial di Nicolas Maduro.

E punto aki segun informacionnan mester ser investiga mientras e proyecto fracasa a hinca Aruba den un situacion unico pa cual tambe gobierno a ser adverti y cu cualkier estudio responsabel lo a trece na luz.

Leynan ta prohibi pa un gobernante hinca Aruba den un situacion cu segun tur indicacion ta peligroso pa e pais.

Na momento cu a firma e acuerdo, gabinete Mike Eman tabata sa cu Venezuela no tin placa ni pa paga su propio gastonan y cu e pais tabata den un situacion serio. Gabinete Eman tabata consciente di e hecho cu Rusia tabatin un parti di CITGO como borg y cu companianan Mericano tabata busca forma pa uza CITGO pa haya e placa cu Venezuela tabata debe nan.

“Segun Ley un gobierno no por practica mentira manera a sosode y hinca e pais den un problema serio,” expertonan ta bisa.

Nan ta referi na rapportnan oficial di instancianan cu mester controla gobernacion y a adverti cu gobierno mester tene su mes na regla ora e ta atende cu e pais y cu parlamento tin e responsabilidad pa investiga loke gobierno ta haci.

Awe CITGO a bira un compania discutibel na Aruba na nivel diplomatico den un crisis mundial. Hulanda cu a mustra riba peligernan grandi di e proyecto riba tereno financiero y economico a mustra cu ta gobierno di Aruba ta responsabel pa acuerdonan cu firma.

Awe, manera e informantenan a mustra DIARIO, tur berdad ta sali na cla y Reino mester mira con ta bay soluciona e situacion den un crisis mundial.

Manera a mustra DIARIO, e proyecto di CITGO a bira e caida economico y financiero di Aruba pasobra a uza nan resultado pa balansa cifranan sabiendo cu e supuesto resultadonan aki no tabata basa riba realidad di e proyecto.

A kita e aspecto di siguridad nacional den un conflicto for di Aruba, cu tin un compania dirigi pa un compania di un gobierno cu mundo liber a mara na sancion.

Gabinete Eman a hinca Aruba den un situacion sumamente serio y Parlamento mester tuma medida legal pa evita cu por tin ripiticion di e suceso den futuro.

Mester exigi cu gobierno ta respeta Parlamento y hamas ta pone su mes riba representacion directo di pueblo den e proceso democratico.

Parlamento tin e deber di evita cu atrobe interpretacion di ley ta habri caminda pa peliger grandi pa Aruba.

No hay comentarios:

Publicar un comentario

Envíenos sus comentarios y aportes informativos al tema. Recuerde que su comentario, aunque no sea publicado, puede ser tomado en cuenta para nuestros temas de investigación. Los comentarios con términos insultantes, ofensivos, denigrantes y que incumplan nuestras políticas serán rechazados. Sólo puede enviar comentarios de menos de 1 mil (1.000) caracteres.

 
LO + LEÍDO...

LO + LEÍDO...